Skip to content 
اسلام آباد: د پاکستان مسلم لیګ (ن) خواجه سعد رفیق ویلي دي چې افغانستان له هند سره ښې اړیکې ساتلې خو ددوی ترمنځ دا اړیکې باید د پاکستان د امنیت په بیعه نه وي.
هغه په خپل یو بیان کې وویل چې دوحه خبرې د پاکستان او افغانستان دواړو هېوادونو ته پکار دي چې د اوږدمهاله قواعدو د جوړولو لپاره سره کیني ، زیاته ی کړه چې د دواړو هیوادونو ترمنځ جغرافیه یوه نه بدلیدونکې موضوع ده.
خواجه سعد رفیق وویل چې په تاریخي توګه د پاک افغان اړیکولوړې او تیټې مرحلې راغلي خو باید هېره نه شي چې د پولې دواړو غاړو په میلیونونو مسلمانان ژوند کوي چې ګډ کلتور او ژبه لري.
هغه زیاته کړه چې که څه هم افغان حکومت له هند سره ښې او دوستانه اړیکې لري، خو دا اړیکې هیڅکله باید د پاکستان د سلامتي په بدله کې ترسره نشي. هغه ټینګار وکړ چې افغانستان دې زموږ څخه د خوراکي توکو او نورو ګڼ شمیر اسانتیاوو په بدل کې په هېڅ حال کې پاکستان ته خوارج را وا نه ستوي،زیاته ی کړه چې دا عمل باید هر ډول حالاتو کې بند شي.
