د پاکستان پخواني وزیراعظم او د پاکستان تحریک انصاف ګوند بندي مشر عمران خان د افغانستان او پاکستان تر منځ روانې ترینګلتیا د اندېښنې وړ بللې ده او په دې اړه ی خپل یو مهم پیغام خپور کړې دې
نوموړي له اډیاله زندانه پر خپلې اېکس پاڼې په خپاره کړي بیان کې د پاکستان د پوځي مشرانو په تګلارې نيوکه کړې او د پخواني پوځي مشر یحییٰ خان د دورې په یادولو سره ویلي، چې تاریخ ښيي پوځي دېکتاتوران هېڅکله د سولې په راوستلو نه دي توانېدلي، ځکه هغوی ته د پوځي حل پرته بله لار نه ښکاري.
عمران خان زیاته کړې: “سیاستوال د شخړو د حل لپاره د معاملهپوهنې لارې غوره کوي، او که اوسني چارواکي دا کار نه شي کولای، نو ما دې په مشروط ډول خوشی کړي څو د افغانستان او پاکستان تر منځ د تلپاتې سولې د راوستلو لپاره خپله هڅه وکړم
دلته باید یادونه وشی چې تر اوسه د پاکستان حکومت او پوځ د عمران خان دغو څرګندونو ته کوم غبرګون نه دی ښودلی خو د عمران خان دا بیان په داسې وخت کې مخې ته راغلې چې د پاکستان او افغانستان ځواکونو لوري ترمنځ په سرحدي سیمو کې امنیتي وضعیت ډیر خراب دې او داوړو خواوته په یوبل د بریدونو له امله ګڼ شمیر امنیتي سرتیري له منځه تلي دي
نورخبرونه
د پي ټي آیی بنسټ ګر عمران خان عدالت ته له مخامخ کیدلو انکار کړې
د پاکستان تحریک انصاف بندي مشر عمران خان دریځ صوبه او وفاق جنګوي