د افغان طالبانو له لوري په پاکستاني پوستو او سیمو د بريدونو وروسته، د پاکستان پوځ سخت او هدفمنده کارروايي کړې چې له امله يې طالبانو د اوربند غوښتنه کړې ده، پاکستان امنیتي سرچینې وایی د خپل هیواد دفاع حق لري
د امنيتي سرچينو په وينا، د افغان طالبانو او د هغوی د تړلو ترهګرو ډلو د بريدونو په ځواب کې د پاکستان پوځ پرېکنده عمليات ترسره کړل، چې په نتيجه کې د افغانستان دننه ګڼ شمېر پوځي پوستې ويجاړې شوې او ډېر وسلهوال وژل شوي او ژوبل شوي دي
د پاکستان امنیتي چارواکو تصدیق کړې چې د پاکستان فضایی الوتکو په کندهار او کابل کې د افغان طالبانو او ددوی ملګرو خوارجو په مرکزونو برید کړې دې او دا مرکزونه ی له منځه وړي دي، سرچینې وایی دا مرکزونو د ښاري آبادۍ څخه لري وو او پاکستان ځواکونو دا په بریالیتوب سره په نښه کړي او له منځه وړي دي
د راپورونو له مخې، د پاکستان د پوځ د دې عملياتو وروسته افغان طالبان د جګړې د بندولو او اوربند غوښتنې ته اړ شول.
پاکستان د افغان طالبانو هغه ټول دعوې چې په ټولنيزو شبکو خپرې شوې دي، بېاساسه او دروغ بللې دي. پوځ ويلي، د پاکستان وسلهوال ځواکونه د هر ډول تېري د ځواب ورکولو پوره وړتيا لري، او که راتلونکې کې بيا کوم بريد وشي، نو ځواب به يې تر دې هم سخت وي.
دلته باید يادونه وشي چې له دې پېښې وړاندې هم په سپين بولدک کې د افغان طالبانو او د هغوی د متحدينو ګډ بريد د پاکستان پوځ له لوري ناکام کړی و او د افغان طالبانو او ترهګرو دې برید په پايله کې ګڼ شمېرطالبان جنګیالي او ددوی ملګري ترهګر له منځه ویوړل شول
نورخبرونه
افغانستان لوري برید: پاکستان خپل ټول سرحدونه د احتجاج په توګه وتړل