د پېښور های کورټ مشر قاضي ایساېم عتیق شاه د خيبر پښتونخوا د نوي منتخب وزیراعلیٰ سهیل آفریدی د حلف په اړه خوندي شوی پرېکړه اعلان کړې ده او امری ی کړې دې چې د خیبرپښتونخوا ګورنر فیصل کریم کنډي دې له نوي ټاکل شوي وزیراعلی خیبرپښتونخوا څخه سوګند واخلي.
“د پیښور هایی کورټ مشر قاضي د پریکړې اعلانولو پر مهال امر وکړو چې د خيبر پښتونخوا ګورنر به سبا د چهارشنبې په ورځ د ماسپښين څلور بجې له نوي منتخب وزیراعلیٰ سهیل آفریدی څخه حلف اخلي ، وې ویل که ګورنر له حلف اخستو ډډه وکړي نو بیا به د اسمبلۍ سپیکر له نوي وزیراعلی څخه سوګند واخلي.
دلته باید یادونه وشی چې تردې وړاندې نن عدالت د سوګند په اړه داخل شوي درخواست په اړه اوریدنه وکړه او پریکړه ی خوندي کړې وه.
په رسنو یوه ویډیو هم خپره شوې ده ، په ویډیو کې د پاکستان پیپلزپارټۍ مشر بلاول بهټو زرداري وینا کوي او د وینا پر مهال هغه وایی چې د سندهه وزیراعلی باید الوتکه ګورنر خیبرپښتونخوا ته ورکړي چې هغه پیښور ته ورسوي، بلاول ورته وایی چې د خیبرپښتونخوا ګورنر باید د اساسي قانون او عدالت پریکړه اومني او پیښور ته لاړ شي.
نورخبرونه
د پاکستان تحریک انصاف نوي وزیراعلی لومړې وینا ددې ګوند د دوه مخې پالیسۍ ښکارندوی ده