د افغان طالبانو عبوري حکومت ویاند ذبیح الله مجاهد رسنیو سره یو راپور شریک کړې دې، په راپور کې ی ویلي دي چې د افغانستان امیروالمومنین شیخ هیبت الله اخونزاده له یو امر له لارې د هیواد بیله بیلو ولایتونو کې نوي وزیران او افسران ټاکل کړي دي.
د امیر امر له لارې د نیمروز ولایت مخکنۍ والي شیخ محمد قاسم خالد د کورنیو چارو وزارت د نشیی توکو په وړاندې د مبارزې معین په توګه ټاکل شوې دې او حاجي محمد وزیر بادشاه د کورنیو چارو وزارت د تامیناتو معین په توګه ټاکل شوې دې.
ملا عبدالحق همکار چې د کورنیو چارو وزارت د نشیی توګو په وړاندې د مبارزې مخکمۍ معین وو د ټولګټو وزارت د مالي او اداري معید په توګه ټاکل شوې دې او د باغیس ولایت مخکنۍ والي حافظ محمد امنی جان عمري د مخابراتو او معلوماتي ټیکنالوژۍ وزارت د مالي او اداري معین توګه ټاکل شوې دې.
د خوست ولایت پخوانۍ والي مولوي عبدالقیو روحاني د ۲۰۳ قول اردو د قوماندان به توګه ټاکل شوې، ملا محمد حنیف حمزه د بادغیس ولایت د والي په توګه او مولوي عبدالمنان محمود د نیمروز ولایت د والي په توګه ټاکل شوې دې.
د کورنیو چارو وزارت د تامیناتو مخکنی معین مولوي عبدﷲ مختار، د خوست ولایت د والي په توګه، د ۲۰۳ منصوري قول اردو مخکنی قومندان قاري محمد اسماعیل راسخ، د جوزجان ولایت د امنیه قومندان په توګه او د د زابل ولایت مخکنی مرستیال مولوي محب ﷲ حماس، د ننګرهار ولایت د امنیه قومندان په توګه ټاکل شوې دې.
د امیروالمومنین له امر لارې د میدان وردګ ولایت مخکنی مرستیال حافظ سید الرحمن، د زابل ولایت د مرستیال په توګه او د ننګرهار ولایت مخکنی امنیه قومندان ملا فرید ﷲ قیام، د میدان وردګ ولایت د مرستیال په توګه مقرر شوې دې.
د افغان طالبانو عبوري حکومت ویاند په مراسله کې وایی چې د لوګر ولایت د سرحدونو او قبائلو چارو مخکنی رئیس مولوي سردار محمد مدني، د غزني ولایت د مرستیال په توګه ، د جوزجان ولایت مخکنی امنیه قومندان مولوي عبدالستار صابر، د ۳۱۳ مرکزي قول اردو د رئیس ارکان په توګه اود غزني ولایت پخوانۍ مرستیال حافظ عبدالرشید ته د خوست ښاروال څوکۍ ورسپارل شوې ده.