جنوبی وزیرستان : په بره جنوبي وزیرستان د تیارزه تحصیل خېسوره په سیمه کې د نامعلومو کسانو ډزو له امله سیمهییز خبریال او ټولنیز فعال آتش محسود سخت ټپي شو، خو د هغه ملګری عید نواز په پېښه کې ځای پر ځای وژل شوی دی۔وژل شوی ځوان عید نواز د خېسوره اوسېدونکی و او د محسود جوانان اتحاد مشر و۔ د لومړنۍ قانوني کارروايۍ وروسته د هغه مړی کورنۍ ته وسپارل شو۔
ټپي آتش محسود سمدستي د وانا ضلعي روغتون ته ولېږدول شو، د سرچینو ترمخه هلته یې درملنه روانه ده۔ د روغتون چارواکو په وینا، د آتش محسود حالت له خطره بهر دی او هغه ته ټولې ممکنې طبي آسانتیاوې ورکول کېږي۔
د جنوبی وزیرستان اپر ډي پي او ارشد خان ویلي، آتش محسود خپله موټر چلولو چې د سرک په غاړه ورته ناست بریدګرو پرې ناڅاپه ډزې وکړې، له امله یې آتش ټپي او د هغه ملګری عید نواز ځای پر ځای مړ شو۔
پولیسو د بریدګرو د نیولو لپاره پلټنې پیل کړې دي او تمه ده چې په سیمه کې د لټون عملیات پیل شي.
د روغتون مشر ډاکټر جان ویلي، د آتش محسود پوره پاملرنه او درملنه کېږي او د هغه په درملنه کې به هېڅ ډول غفلت ونه کړې شي.
بل لور ته، د ښکته جنوبی وزیرستان نه وتلي خبریال نور علي وزیر ټپي خبریال د پوښتنې لپاره روغتون ته ورغلی، له ډاکټرانو سره یې لیدلي او د آتش محسود د غوره طبي پاملرنې غوښتنه یې کړې۔ د روغتون ادارې ډاډ ورکړی چې ټپي خبریال به ځانګړې پاملرنه کیږي او هغه ته به هره ممکنه درملنه ورکړل شي.
نورخبرونه