د افغانستان اسلامي امارت د دفاع وزارت پر اسلاماباد تور لګولی چې پاکستان یو ځل بیا د افغانستان هوايي حریم نقض کړی دی. د وزارت په وینا، د پاک–افغان پولې ته نږدې د پکتیکا ولایت په یوه سیمه کې د هېواد په یو بازار بمباري شوې، او د کابل د سیمې د سرحدي حدودو سرغړونه هم شوې ده ، د افغانستان یاد وزارت ددې بریدونه غندنه هم کړې ده.
د دفاع وزارت په خپره شوې اعلامیه کې راغلي دي چې موږ د افغانستان د هوايي حریم نقض په کلکو ټکو ردوو او دا روښانه کوو چې د خپل هوايي قلمرو دفاع زموږ اساسي او قانوني حق دی ، اعلامیه کې زیاته شوې چې که د دغو عملیاتو وروسته سیمهیزه شخړه نوره هم زیاته شي نو د هغې بشپړه پړه به د پاکستان پر پوځ ور واچول شيد دفاع وزارت په خپره شوې اعلامیه کې راغلي دي
موږ د افغانستان د هوايي حریم نقض په کلکو ټکو ردوو او دا روښانه کوو چې د خپل هوايي قلمرو دفاع زموږ اساسي او قانوني حق دی ، اعلامیه کې زیاته شوې چې که د دغو عملیاتو وروسته سیمهیزه شخړه نوره هم زیاته شي نو د هغې بشپړه پړه به د پاکستان پر پوځ ور واچول شي
وزارت له نړیوالې ټولنې، سیمهییزو هېوادونو او اړوندو نړیوالو بنسټونو غوښتي چې دغه پېښه وڅاري او روڼ تحقیقات ترسره کړي، څو د مسؤلو څخه قانوني پوښتنه وشي. په اعلامیه کې دا هم ویل شوي چې د افغانستان پر خاوره هر ډول نظامي اقدام، په ځانګړي ډول هغه چې د ملکي وګړو پر ضد وي، د نړیوال قانون او سیمهییز ثبات خلاف عمل دی
د لومړنیو رسنیزو راپورونو له مخې، لا تر اوسه دا په خپلواکه توګه نه ده تایید شوې چې د پکتیکا په بازار کې شوې بمبارۍ کې انساني یا مالي زیان رامنځته شوی که نه. د طالبانو د حکومت ویاند او ځايي چارواکو ویلي چې د پېښې پلټنې پیل شوې دي او ژر به جزئیات له خلکو سره شریک شي
بلخوا، د پاکستان رسمي سرچینو لهخوا د دې ادعا په اړه سمدستي کوم غبرګون نه دی ورکړل شوی. په تېرو وختونو کې هم اسلاماباد د کابل له لوري د ورته تورونو په اړه یا چوپتیا غوره کړې او یا یې له تردید څخه ډډه کړې ده
نړیوالو سرچینو او ځینو غیر دولتي راپورونو مخکې هم له ورته دعوو د خپلواکې پلټنې غوښتنه کړې وه
یاده دې وي چې پرون د افغانستان په پلازمېنه کابل، پکتیکا، خوست او جلالاباد ښارونو کې نامعلومو ډرونونو او الوتکو بمبارۍ وکړې او د تحریک طالبان پاکستان ځینې پټنځایونه یې په نښه کړل.سرچینې او رارسیدلي راپورونه وایی چې په دې بریدونو کې د ناقانونه ګرځول شوې دلې تحریک طالبان پاکستان یو مشر مفتي نور ولي محسود موټر هم په نښه شوې او له منځه تللې خو بیا د هغه مړینه په رسمي توګه نه ده تاید شوې .
د اسلامي امارت د دفاع وزارت دا اعلامیه په داسې حال کې خپره کړې چې د سیمې د هېوادونو ترمنځ د ډیپلوماټیکو هڅو لړۍ چټکه شوې ده او د افغانستان د بهرنیو چارو وزیر دا مهال هند او نورو هېوادونو په رسمي سفرونو بوخت دی
د افغانستان بهرنیو چارو وزیر امیر خان متقي د هند بهرنیو چارو وزیر سره په لیدنه کې ډاډ ورکړې دې چې د پاکستان خاوره به د بل کوم هیواد په ضد نه کارول کیږي خو بیا نن په پیښور کې د پاکستان د پوځ ویاند ویلي دي چې دوی سره داسې شواهد شته چې د افغانستان خاوره د پاکستان په ضد کارول کیږي.
نورخبرونه
پاکستان کابل ته سخت پیغام ورکړې دې
عربي هیوادونو او ترکي په پاکستان کې د ټي ټي پي بریدونه غندلي دي