وانا: د خیبر پښتونخوا په ضم قبایلي ضلع جنوبي وزیرستان کې د پښتونخوا ریډیو وانا خپرونې له یو نيم کال وروسته بیا پیل شوې دی، ځایی اولس او ټولنیزو سازمانو استاز د حکومت دا اقدام ستایلې دې.
په جنوبي وزیرستان کې د پښتونخوا وانا ایف ۹۲ ریډیو خپرونې نودې یونیم کال وروسته پیا پیل شوي دي، دا خپرونې له کومې تخنیکي ستونزو له امله ځنډول شوې وې، په دې پرمختګ د وزیرستان اوسیدونکې او ددې ریډیو اوریدونکو ډیره خوښي څرګنده کړې ده.
د خیبر پښتونخوا د اطلاعاتو او عامه اړیکو د وزارت د سیکرټري ډاکټر بختیار احمد د ځانګړې پاملرنې او نه ستړې کېدونکې هڅو په پایله کې د ریډیو تخنیکي ستونزې حل شوې او اوس د پښتونخوا ریډیو وانا غږ د وزیرستان د غرونو، درو او ځنګلونو په فضا کې بیا خپرېږي . په داسې وخت کې چې په قبایلي سیمو کې ترهګریز بریدونه زور اخستې او په ځایی اولس کې سختې اندیښنې خپرې شوي، د وانا ایف ایم ۹۲ ریډیو خپرونې بیا پیل کیدل ددې سیمې او ددې سیمې اولس لپاره یو ښه پرمختګ دې ، ځایی اولس ددې پریکړې او د ایف ایم ۹۲ ریډیو بیا پیل کیدلو هرکلۍ کړې دې.