د افغانستان بهرنیو چارو وزیر مولوي امیرخان متقي د ماسکو فارمټ اوومې ناستې ګډون کوونکو هېوادونو ګډ کنفرانس ته مهمې څرګندونې کړي دي او ویلي ی دي چې په افغانستان کې ټولې هغه ډلې له منځه تللې چې د افغانستان او سیمې امنیت او ثبات ته ګواښ دي. .
د داعش ډلې به اړه د متقي څرګندونې
امیرخان متقي د کوم هېواد له نوم اخیستلو پرته ویلي، له افغانستان د باندې ستونزې شته چې باید د سیمې هېوادونه په ګډه د داعش او نورو ډلو مرکزونو پر وړاندې چې د افغانستان او سیمې امنیت ته ګواښ دي اقدام وکړي، نوموړي یو ځل بیا ټینګار کړی، چې افغانستان کې د داعش په ګډون د هیڅ غیرمسئوله وسلهوالې ډلې مرکزونه نشته.
د بهرنیو چارو وزیر داسې مهال دغه څرګندونې کړې، چې وړمه ورځ د پاکستان کراچۍ ښار او بلوچستان کې د داعش خراسان څانګې درې مهم مشران ووژل شول.
د ماسکو فارمټ اوومې ناستې ګډونوالو د یوې ګډې اعلامیې په خپرولو سره له نړیوالې ټولنې سره د افغانستان سوداګریزو او اقتصادي اړیکو ودې او پانګونې ټینګار کړی.
اعلامیه کې د افغانستان په ګډون د سیمه ییزو اقتصادي پروژو د پراختیا، روغتیا، بې وزلۍ سره مبارزې، کرنې او د طبیعي پېښو د مخنیوي برخو کې د دومداره پرمختګونو په اړه لېوالتیا څرګنده شوې، څو افغانستان ژر تر ژره خپلواک او تلپاتي پرمختګ ته ورسیږي، دغه راز اعلامیه کې په سیمهییزو همکاریو نظام کې د افغانستان د فعال ادغام او حضور هرکلی هم شوی.
افغانستان لپاره د مرستو غوښتنه
د مسکو فارمټ ګډونوالو له نړیوالي ټولنې غوښتي، چې افغانستان ته بېړنۍ بشري مرستې زیاتې کړي او ټینګار یې کړي چې مرستې باید سیاسي نه شي ، دوی همداراز له هغو هېوادونو چې په روان سخت حالت کې د افغانستان پر وړاندې اصلي مسئولیت په غاړه لري غوښتي، چې د افغانستان بیارغونې او پراختیا برخو ته دې ژمن پاتې شي، د یادونې ده، چې د افغانستان په اړه د مسکو فارمټ ناسته د افغانستان بهرنیو چارو وزیر په ګډون د لسو غړو هېوادونو د استازو په شتون کې ترسره شوه
د متقي مهمه غوښتنه
مولوي امیرخان متقي په دا مهال یوه مهمه غوښتنه کړې ده او ویلي ی دي چې له ناامنۍ ځورېدوونکي هېوادونه دې خپل مسوولیت په خپله اوږه واخلي ، د افغانستان بهرنیو چارو وزیر مولوي امیرخان متقي د ماسکو فارمټ مشورتي غونډې اوومه ناسته کې ویلي، چې له ناامنۍ ځورېدوونکي هېوادونه دې خپل مسوولیت په خپله اوږه واخلي. افغان وزیر ماسکو کې همداراز ویلي، ځیني لوري فعاله هڅه کوي افغانستان سیمې ته د خطر په حیث معرفي کړي، چې زه دا هڅې په کلکو ټکو کې غندم.
نورخبرونه
داعش په ضد مبارزه،روس د افغان دولت سره مرستو لپاره تيار دې، ضمير کابلوف
شوروي اتحاد د افغانستان قبضه کولو وروسته بل کوم هیواد هدف وو؟