پتراجايا: وزيراعظم شهباز شريف د ملائشيا دورې په مهال د خپل هم منصب انور ابراهيم سره ليده کاته کړيدي،ورسره ئې د دواړؤ ملکونو تعلقات مضبوطولو،مختلف شعبو کښې همکارۍ او د منطقې په صورتحال خبرې کړيدي، د ملاقات وروستو ګډ خبري کانفرنس ته وينا په وخت د ملائشيا وزيراعظم انور ابراهيم د شهباز شريف د دورې هرکلي وکړو او دا دوره ئۍ د دواړؤ ملکونو اړيکو پراختيا لپاره مثبت ګرځولي ده ۔ د ملائشيا وزيراعظم د منطقې امن او استحکام لپاره د پاکستان د کردار ستائينه کړې او د فلسطين د کشالې د حل لپاره د پاکستان د موقف تائيد ئې کړيدے۔ انور ابراهيم زياته کړه چې پاکستان سره د ملائشيا تعلقات نور هم ښه کولو خواهش لري بايد چې دې لپاره د رابطو او د ملاقاتونو سلسله دوامداره وساتلي شي ۔ ملائشيا وزيراعظم زياته کړه چې پاکستاني هم منصب سره ئې ملاقات دوران په ترهه ګرۍ قابو موندو لپاره مشترکه کوششونو باندې اتفاق کړېدے ۔ وزيراعظم شهباز شريف په دې موقع ووئيل چې ملائشيا د پاکستانيانو دوئم کور دے د دې ملک د دورې بلنه ورکولو باندې د ملائشيا د صدر خصوصي شکريه ادا کوم ۔ وزيراعظم د ملائشيا د هم منصب سره ملاقات ګټه ور بللي دے او وئيلي ئي دي چې ملائشيا حکومت د پاکستان نه د ۲۰ کروړ ډالرو ماليت حلال غوښه درآمد کولو فيصله کړيده ،د وزيراعظم وينا وه چې د فلسطين او کشمير پشمول په ټولو نړي والو معاملو د پاکستان او ملائشيا موقف او خيالات يو شان دي ۔ وزيراعظم زياته کړه چې انور ابراهيم سره ملاقات دوران اقتصاد،تجارت،تعليم،ټيکنالوجۍ او د سرمايه کارۍ بشمول مختلف شعبو کښې تعاون باندې اتفاق شوېدے ، ملائشيا مختلف شعبو کښې مهمې کاميابۍ ترلاسه کړيدي پاکستان هم د ملائشيا د تجربو نه فائده پورته کول غواړي ۔ دواړؤ ملکونو ترمينځ تجارتي تعلقاتو په حؤاله د يوې پوښتنې په جواب کښې وزيراعظم شهباز شريف ووئيل چې دواړه ملکونه تجارت ته وده ورکولو باندې متفق شويدي ملائشيا د پاکستان نه وریجو په صادرات کښې اضافه کړيده راتلونکي وخت کښې دوه اړخيزه تجارتي حجم نور هم سيوا شي ۔ دې نه آګاهو دواړه ملکونو ترمينځ مختلف شعبو کښې تعاون په حواله د مفاهمت په ياداشتونو لاس ليک شوي وو۔