راپور له مخې د شنبې په ورځ طورخم پولې د لارې ۲۹۳ او د سپين بولدک د لارې ۳۲۹ کورنۍ هيواد ته راستون شوي
د افغانستان اسلامي امارت د افغان مهاجرینو په اړه جوړې شوې د مهاجرینو ستونزو ته د رسیدنې عالي کمیسیو دارالانشا د کمیټۍ ورځنۍ کار راپور خپور کړې دې. راپورکښې د ګاونډي هيوادونو پاکستان او افغانستان څخه خپل هيواد ته واپس راغلې مهاجرينو شمير او دوي سره مرستو تفصيلات په ډاګه کړي شويدي ۔ راپور کښې وئيلي شويدي چې تيره ورځ د کندهار ولايت د سپين بولدک پولې د لارې ۳۲۹ کورنۍ چې د ټولو مهاجرو شمير ئې ۱۸۲۲ وه خپل هيواد ته رارسيدلي وو او نومونه ئې رجسټرډ شويدي ۔ له پاکستان څخه ستانه شوي افغانانو کښې۱۲۴۹ کسان کندهار،هلمند،هرات، غزني،کابل او زابل ته استولي شويدي د مالي چارو د تنظیم کمېټې له لوري د ۵۰۴کورنیو سره په مجموعي ډول د (۴۰۹۰۰۰۰)افغانۍ مرسته کړېده ،د دې ترڅنګ د طورخم کراسنګ پوائنټ د لارې هم د شنبې په ورځ ۲۹۳کورنۍ چې ټول شمير ئې ۱۰۸۷ ته رسيدو خپل هيواد ته واپسي کړيده ،د نومونو راجسټر کولو وروسته د خصوصي ټرانسپورټونو د لارې ۱۴۳۸ مهاجرين کابل،لغمان،ننګرهار او کونړ سيمو ته ليږلي شويدي او ۵۳۰ کورنيو سره د مالي چارو د تنظيم د کميټۍ له لوري د ۴۳۸۶۰۰۰ افغانۍ مرسته شوې ده. راپور کښې د ايران څخه ډي پورټ کړي شوي افغانانو خپل هيواد ته د ستنيدوتفصيلات هم په ډاګه شويدي ، راپور ترمخه هرات ولايت کښې د اسلام کلا له لارې ۳۰۴ افغانان هېواد ته راستنې او ثبت شوي دي.د مالي چارو د تنظیم کمېټۍ د۴۷ کورنیو سره ۴۶۰۰۰ افغانۍ مرسته کړې وه ۔ په دې راپور کښې هيواد ته واپس راغلي مهاجرينو له کيمپونو کښې خوراکه ورکولو او د ناروغو علاج کولو بشپړ معلومات هم شامل دي، د افغانستان اسلامي امارت د افغان مهاجرینو هیواد ته واپس راستنیدلو لپاره جوړې شوې کمیټیو ټول ګډ راپور هم خپور کړې دې چې لاندې وړاندې کیږي.
ثبت شـــــوي مهـاجرین: (۶۷۳)کورنۍ او (۳۲۲۰)افراد
لېږدول شـوي مهـاجرین: (۴۹۳)کورنۍ او (۲۶۸۷)افراد
مرسته شوي مهــاجرین: (۱۰۸۲)کــورنۍ
وېشل شوي سیمکارتونه: (۸۲۰)عــــدده