د تحريک طالبان پاکستان د مجاهدینو لخوا د روان ۱۴۴۷هـ ق کال د ربیع الثاني په ۱۰مه (د ۲۰۲۵م د اکتوبر مياشتې په درېيمه نېټه) د ترسره شويو بريدونو او عملياتو بشپړ راپور خپور کړې دې، د راپور ترمخه دې ډلې د هیواد په بیله بیلو سیمو کې دبریدونو په اړه معلومات ورکړي دي چې په کوم کوم ځای کې ی څوک په نښه کړي دي.
په راپور کې وایی چې ټول ی ۱۲ عملیات ترسره کړي دي، جنوبي وزیرستان کې ۷، شمالي وزیرستان کې ۲ ، د کرم ولایت ۱ ، پیښور کې هم ۱ او په باجوړ ولایت کې ی هم د ۱ اپریشن راپور جاري کړې دې.
د جنوبي وزیرستان ولایت
۱ـ د اعظم ورسک ولسوالۍ: د حکومتي عسکرو لپاره د خوراکي توکو لېږدونکی کس چې څو ورځې وړاندې نيول شوی و، د سیمي مشرانو او علماوو په ضمانت د مجاهدینو لخوا خوشې شو.
د انګور اډې ولسوالۍ: د سپټمبر په ۲۹مه او ۳۰مه نېټه مجاهدینو په مختلفو پوځي کمپونو او پوستو ۶ بېلابېل بریدونه د جي اېل، سنایپر او نورو وسلو په مټ ترسره کړل، چې په ترڅ کې يې دښمن ته درانه ځاني او مالي تلفات واوښتل.
د شمالي وزیرستان ولایت
۱ـ د میرانشاه ولسوالۍ: د سپلګې په سيمه کې په پوځي پوستې باندې د جي اېل په برید کې د ځاني او مالي زيان راپور ترلاسه شوی دی
۲ـ د بویه ولسوالۍ: دوه ورځې وړاندې د محمد خېلو په سیمه کې د کاپر ماینینګ پلانټ (مسو کان کيندنې) پر فابریکې مجاهدینو توغندي وتوغول، چې د فابریکې په منځ کې یې چاودنه وکړه، چې په پایله کې يې دښمن ته درانه ځاني او مالي تلفات واوښتل.
د کرم ولایت ، په ډوګر ولسوالۍ کې د ایف سي په پوسته برید کې یو تن اجیرعسکر له اووژل شول. دا ترهګره ډله په راپور کې وایی چې د پېښور ښار ولسوالۍ کې ی تېره ورځ د قمر دین ګړۍ چوک ته نېږدې د پولیسو په موټر د ماین چاودنې په ترڅ کې یو پولیس هلاک او دوه تنه نور ټپیان شول، د باجوړ ولایت په ناوګۍ کې تیره شپه د هاشم سر په سيمه کې په پرتې پوستې باندې د لیزري ټوپک او کلاشينکوف په برید کې څلور تنه پوځي عسکر ووژل شول
نورخبرونه
کوټه ځانمرګي برید: کالعدم تحریک طالبان پاکستان ی پړه په غاړه اخیستې