پېښور : د خیبر پښتونخوا په صوبایي کابینه کې لوی بدلونونه اعلان شوي دې، د بدلونونو په اړه یوه سرکاري اعلامیې خپره شوې ده
د باجوړ منتخب شوي ایم پی اے حمید الرحمان د وزیراعلی ځانګړی معاون ټاکل شوی، ارباب عاصم د ایلیمینټري او سېکنډري تعلیم لپاره ځانګړی معاون وټاکل شو. دا نوی قلمدان هغه ته د وزیر تعلیم فیصل ترکۍ له استعفا وروسته ورکړل شوې دې.
صوبایي وزیر خلیق الرحمان ته د صحت وزارت وسپارل شو ، اعلامیې ترمخه صوبایي وزیر فضل شکور ته د سیاحت (تورازم) وزارت وسپارل شو او د وزیراعلی ځانګړی معاون ډاکټر امجد په بشپړ وزیر بدل شو، مشیر زاهد چن زیب ته د مزدورۍ (لیبر) وزارت وسپارل شو، صوبایي وزیر پختون یار ته د لوبو (سپورټس) وزارت وسپارل شو. د اعلامیې ترمخه د لوبو وزیر فخر جهان ته د پبلک هیلت انجینیرنګ وزارت ورکړل شو او د د صحت مشیر احتشام علي ته د اېکسایز وزارت وسپارل شو .
