هغه انځور چې پکې د پاکستان پوځ مشر فیلډ مارشل عاصم منیر او وزیراعظم شهباز شریف د امریکا له ولسمشر ډونلډ ټرمپ سره لیدل کېږي او ورته یې قیمتي ډبرې ډالۍ کړې دي، په ټولنیزو رسنیو کې خورا ډېر خپور شو. دې ډالۍ ته سمبولیک یا علامتي ډیپلوماټیک ارزښت ورکول کېده، خو ځینو خلکو دې ته بله مانا ورکړه او داسې تاثر وړاندې شو چې ګنې پاکستان خپلې نایابه معدنیات امریکا ته پلوري.
حقیقت: جواهرات نایابه معدنیات نه دي
په انځور کې ښودل شوي ډبرې لکه: ایکوامرین، ټوپاز، پیریډوټ، تورمالین او کوارټز دي. دا هغه جواهرات دي چې په ګلګت بلتستان، خیبرپښتونخوا او بلوچستان کې په عامه بازارونو کې اخستل او خرڅول کېږي. خو نایابه معدنیات بالکل جلا موضوع ده، دا ۱۷ فلزي عناصر دي چې په ټکنالوجۍ او دفاعي صنعتونو کې کارېږي. جواهرات له نایابه معدنیاتو سره ګډول یا خو د ناپوهۍ څرګندونه ده او یا هم قصدي تحریف.
نړیوال تناظر او شراکتونه
په حقیقت کې هېڅ هېواد نشي کولای دا ډول سرچینې یوازې د ځان لپاره وکاږي. سعودي عرب، متحده عرب امارات، هندوستان او ګڼ افریقایي هېوادونه د نړیوالو شرکتونو سره شراکت کوي. اصلي پوښتنه تل دا وي چې دا شراکتونه د ولس په ګټه تمامېږي که نه؟
د پاکستان خپلواک چوکاټ
په پاکستان کې معدني سرچینې د فدرالي او ولایتي قوانینو لاندې خوندي دي. هېڅ پروژه د تړونونو، د مالیاتو د قوانینو او د پارلمان له څار پرته پر مخ نه شي تللی. نو ځکه د “پټو معاملاتو” کیسې یوازې سیاسي پروپیګنډه ده.
د ګمراه کوونکو کمپاینونو او سیاست استعمال
له ډېر پخوا راهیسې هندوستان د پاکستان پر ضد د پروپیګنډې لوبه کوي. خو د افسوس ځای دا دی چې ځینې د پي ټي ای ټولنیز حسابونه هم دې بیان ته ول وده ورکوي ،اپوزیشن سیاست خپله ځای لري خو د ملي ګټو پر ضد بیان تکرارول د ملي ګټو په زیان تمامیږي.
اصلي حقایق چې په خطر کې دي
پاکستان د قیمتي ډبرو، مسو، لیتیم او نایابه معدنیاتو په شمول بې شمېره سرچینې لري. دا منابع کولای شي اقتصاد متنوع کړي او د کار زمینه برابره کړي. خو که موږ خپله شتمني د سازشي کیسو له لارې مشکوکه کړو، نو بهرني پانګه وال به ولې باور وکړي؟
پایله
د پاکستان منابع د معاملې لپاره نه دي. قیمتي ډبرې نایابه معدنیات نه دي. دا ناپوهي ده، او د دا ناپوهي سیاست ګرځول، بې ځایه نیوکې کول او دا بیانونه سیاسي وسله ګرځول بد نیتي ده. د ملي امنیت او اقتصادي خپلواکۍ غوښتنه دا ده چې دغه ډول بیانونه او سازشونه پر وخت رسوا شي چې ریاست او او اولس داسې کسان اوپیژني.نور
نورخبرونه
هند له مو د میۍ په جنګ کې ماتې ورکړې ده: وزیراعظم شهباز شریف