د هند کرکټ بورډ په ځانګړې لارښوونه د هندوستان لوبډلې په نړۍ کې د سپورټس په میدان کې د کرکې او د سیاست کولو یو لوی ریکارډ قایم کړو او پرون د دوبۍ په لوبغالي کې د هند لوبډلې د محسن نقوي څخه د جام اخیستلو نه انکار وکړ . .
د پاکستاني لوبغاړو سره د لاس ورکولو د انکار وروسته، د هند لوبډله د ایشیا کپ د ګټلو باوجود هم د کرکې او په سپورټس کې د سیاست څرګندونه کوي
که یو اړخ ته د ایشیا کرکټ کونسل صدر محسن نقوي څخه هندي کرکټ لوبغاړو د جام اخستلو انکار وکړو خو بل اړخ ته د ایشیا کرکټ کونسل دا هم یوه ښه پریکړه وه چې د محسن نقوي پرته ی بل کوم مشر له لوري هم دا ټرافي هندي ټیم ته ور نه کړل شوه ځکه هند کرکټ لوبډلې له نه وو په کار چې له محسن نقوي څخه ی د ټرافي اخستلو انکار وکړو. .
د هند لوبډلې دې کرکې او غلطې پریکړې له امله د دوبۍ کرکټ په لوبغالي کې د پایلوبې مراسم د ځنډ ښکار شول او په رسمي غونډه کې هند کرکټ ټیم ته د ایشیا کپ ۲۰۲۵ جام ور نه کړې شو. .
دلته باید دا یادونه وشي چې د ایشیاکرکټ کونسل مشر محسن نقوي هم په خپل دریځ کلک ودریدلو او بل کوم مشر له لوري هم هند کرکټ ټیم ته ټرافي په رسمي ډول ور نه کړه شوه.
د هند کرکټ بورډ شرموونکې او د کرکې ډک کار
د ایشا کرکټ کونسل د معلوماتو ترمخه دوی ته له بي سي سي آیی، د هند کرکټ بورډ له لوري خبر ورکړل شوې وو چې دوی به له محسن نقوي څخه د ایشیا کپ جام نه اخلي، د کرکټ او سپورټس مینه والو د هند کرکټ بورډ دا کار یو شرموونکي کار بللې دې او ویلي ی دي چې په سپورټس کې کرکه او سیاست نه وي په کار، خو له هند کرکټ بورډ له لوري داسې ناوړه کار چې ټرافي ی له محسن نقوي څخه وصول نه کړه، یو شرموونکې او د کرکې کار وبلل.
دا هم باید یادونه وشی چې د فاینل لوبې د مراسمو کوربه سایمن ډول وویل چې د ایشیا کرکټ شورای ورته ویلي وو چې د هندوستان لوبډله به نن ټرافي نه اخلي. .
دلته دا هم مهمه ده او باید چې یادونه چې د هند کرکټ بورډ او د هند کرکټ ټیم لوبغاړو د ایشیا کپ په نورو سیالیو کې هم پاکستاني لوبغاړو سره د ستړي مشي او لاس ورکولو څخه ډډه کړې وه چې دا په نړۍ کې د سپورټس د قانون او د سپورټس د امن او سوکالۍ پیغام ته زیان رسوي . د کرکټ او سپورټس مینه وال له نړيوال کرکټ بورډ او ایشیا کرکټ شورای څخه غوښتنه کړې ده چې دوی د هند کرکټ د لوبغاړو او د هند کرکټ کونسل د کرکه خپرولو او په سپورټس کې سیاست رامنځته کولو په ضد پریکړه وکړي او هند کرکټ لوبغاړو باندې دې بندیز ولګول شي.
نورخبرونه