د متحده قامونو د جنرل اسمبلۍ سالانه اجلاس ته وينا په مهال د امریکا صدر ډونلډ ټرمپ نړۍ ته راپيښ بدامنۍ صورتحال پشمول د نورو خطرو او چيلنجونو ذکر کړيدے او وئيلی ئې دی چې متحده قامونو تر دې دمه د هيڅ يوې مسئلې د حل لپاره سنجيده کوششونه نه دی کړې. ډ ډونلډ ټرمپ وينا ترمخه پخواني صدر جو بائيډن هم په نړیوال کچ رامخې ته شوې بحرانونو مخ نيوي لپاره هیڅ کردار نه دې ادا کړې که د هغه په ځائې زه صدر ووم نو يوکرائن او غزه کښې به جهګړه نه شورو کيده. ډونلډ ټرمپ خپل تقرير کښې د پاکستان او هند د تاوتريخوالي ذکر هم کړيدے او وئيلي ئې دی چې د هغه په کوششونو دواړه ايټمي قوتونو ترمینځ جنګ بندي شوي وه.ټرمپ زياته کړيده چې د اسرائیل او فلسطین ترمينځ جنګ د بندولو لپاره ئې هم کوششونو جاری دی خو حماس جنګ بندۍ کښې مخلص نه دے او په حماس باندې ئې زور راوړي دے چې د مسئلې د حل لپاره د اسرائیل ټول یرغمال کسان بغير د څه شرط په فوري توګه آزاد کړي. امريکائي صدر فلسطین يو خپلواک ریاست تسلیمولو په حواله د برطانيې او فرانس او نورو ملکونو په فيصلو سختی نيوکې کړيډی او وئيلي دی چې دا فيصله صرف د حماس په ګټه کښې ده فلسطین دی ریاست جوړ شی خو دې کښې به د حماس هيڅ کردار نه وي. روس او يوکرائن شخړې په حواله صدر ډونلډ ټرمپ وئيل دواړه ملکونه جنګ بندۍ ته رضا کولو لپاره کوششونه کيږي خو هند او چين د امريکی د مخالفت با وجود هم د روس په تيل اخلي او صدر پوټن د تيلو دغه آمدن يوکرائن سره روانه جهګړه کښې خرچ کوي. صدر ټرمپ د ایران په جوهري پروګرام هم ټکونه کړيدی او وئيلي ئې دی چې ايټمي وسله د نړۍ لپاره خطره ده هيچا ته هم د خطرناک وسلو د ساتلو اجازت نشته هم دغه وجه ده چې اسرائيل . ايران جنګ دوران امريکې د ايران په جوهري تنصيباتو بمباری کړې وه او د ايران جوهري پروګرام ته ئې لوئې زيان رسولې وو
نورخبرونه