هندي رسنيو راپور ورکړی، چې يو ۱۳ کلن افغان ماشوم د کام ایر الوتکې په ټایرونو کې له کابل نړيوال هوايي ډګر څخه هند ته تللی دی او دغه خبر ځکه حېرانونکې بلل شوی، چې ماشوم صحيح سلامت هند ته رسېدلی دی.
دا حېرانونکې پېښه د تېرې یکشنبې په ورځ «سپټمبر ۲۱» شوې ده.
ماشوم د الوتکې دغه ۹۴ دقيقې سفر په خوندیتوب ترسره کړی او کله چې په اندرا ګاندي هوايي ډګر کې الوتکې خوندي ناسته کړې، نو ماشوم موندل شوی دی.
هلک پخپله کيسه کړې، چې غوښتل يې ايران ته ولاړ شي، خو په تېروتنې د هند الوتکې ته ختلی دی.
هغه پرته له دې چې وپېژندل شي په کابل هوايي ډګر کې د نورو مسافرينو په منځ کې ځان هدف ته رسولی دی او د ښکته کېدو پر مهال هم يو مامور ليدلی چې په ممنوعه ساحه کې دغه ماشوم ګرځي او له نيول کېدو وروسته يې قضيه افشا شوې ده.
ويل کېږي دغه ماشوم په هماغه ورځ هند بېرته کابل ته ستون کړی دی
