د اسلامی امارت دولتي وياند ذبيح الله مجاهد د ملګرو ملتونو د مشر انتونيو ګوټريس په هغه بيان سخت غبرګون ښودلی په کوم بيان کښې چې ګوټريس د متحده قامونو په دفترونو کښې افغان زنانو باندې د حکومتی بنديز مخالفت کړی وو.ډ متحده قامونو جنرل سيکتر د نړيوال رسنیو د نمائندګانو سره د خبرو په مهال وئيلي وو چې د طالبانو حکومت د متحده قامونو ادارو په دفترونو کښې زنانه د ډيوټۍ او ذمه وارې تر سره کولو نه منع کړيدي او په دوی ئې بنديز لګولی دے.د اټنتونیو ګوټريس وينا ترمخه د طالبانو دولت دا فيصله احمقانه ده چې د دې به په ټول هيواد منفي اثرات پريوځی. د يوې پوښتنې په ځواب کښې انتونيو ګوټريس وئيل چې د طالبانو دا دپريکړه د زغملو نه ده ملکرو ملتونه اداره به په طالبانو فشار اچوي تر څو چې دا غلطه فيصله دې واپس واخلي په دې لړ کښې به ملګرو ملتونه خپل کردار جاری ساتی. افغان دولت د زنانؤ متعلق د متحده قامونو د جنرل سيکتر بيان مسترد کړې او سخت غبرګون ئې څرګند کړيدے. په ليکې پاڼه ورکړی شوي بيان کښې د اسلامي امارت وياند ذبيح الله مجاهد وئيلی دی چې دولت د انتونيو ګوټريس هغه بې مسئولیته څرګندونې په کلکه غندی په کوم چې په افغانستان کې یې د ښځو په اړه اقدامات احمقانه بللي شوي وو.ذبيح الله مجاهد وائی چې د ملګروملتونو د ادارے مشر دې په خپلو الفاظو غور وکړی او بےمعنې لفظونه دې نه استعمالوي.د ذبیح الله مجاهد بيان کښې دا هم وئيلي شويدی چې د افغان زنانؤ او نارينو په حواله چې اسلامي امارت کومې پريکړې کوي هغه د اسلامي شريعت او د هيواد د قانون د چوکاټ دننه دی اوس که څوک پخپله د شریعي قوانینو نه ناخبره وي نو دا به د هغوی خپله ناپوهي وی.
دې نه مخکښی هم د متحده قامونو جنرل سيکتر په افغان زنانؤ د تعلیم او کار روزګار باندې د بنديز په حواله د اسلامي امارت په اقداماتو نيوکې کړې وې ولې افغان دولت دغه مطالبې او څرګندونې مسترد کړېدی.