اسلام آباد/لندن: د تحریک انصاف ګوند اعلان کړی چې د سپتمبر پر ۲۰مه به په لندن کې احتجاجي مظاهره وکړي، په هغه مهال چې وزیر اعظم شهباز شریف د سعودي عرب سفر وروسته د برېتانیا ته سفر کوي.
مظاهره به د پاکستان د دیپلوماتیک ماموریت مخې ته ترسره شي، هغه ځای چې وزیر اعظم د خپلې درې هېوادونو دورې په ترڅ کې د برېتانیا مېشتو پاکستانيانو ته وینا کوي. د نوموړي دوره سعودي عرب، برېتانیا او امریکا رانغاړي.
د لندن د تم ځای څخه وړاندې، شریف د سعودي عرب په دو ورځني سفر کې له ریاض سره د ستراتېژیک متقابل دفاع تړون لاسلیک کړ، چې د هر ډول تېري پر وړاندې ګډه دفاع پکې ژمنه شوې. اسلاماباد دا تړون تاریخي بللی او د پاکستان د بهرني او دفاعي سیاست د بدلون ټکی یې یاد کړی.
د سیاسي مخالفتونو نړیواله بڼه
سیاسي شنونکي وایي چې د پاکستان تحریک انصاف احتجان ښایی د پاکستان وروستۍ ډیپلوماتیکې لاس ته رواوړنې ترخپو لاندې کړي او دا ګام د وطنپالۍ پر ځایی د سیاسي ګټو لپاره وکارول شي. د څیړونکو اړ ترمخه د وړومبۍ ځل نه دې چې پاکستان تحریک انصاف اړوندې ډلې په بهر کې د پاکستان د دولتي ادارو په ضد عمل کوي.
د پي ټي آیی په ملاتړ یوې لابي د امریکا په کانګرس کې دوه غړي جوولسن او جیمي پنیټا وهڅول چې د پوځ د مشر فیلډ مارشال عاصم منیر پر ضد د بندیزونو غوښتنه وکړي.
ټاکل شوې چې د لندن مظاهره د پاکستاني پلاوي پر وړاندې هم نیوکې وکړي، کوم چې د پوځ د مشر په ملتیا سفر کوي. دا خبره روښانه کوي چې د کورني سیاست وېش اوس بهرنیو پلازمېنو ته هم رسېدلی دی.
امنیتي اندېښنې او ملي ګټې
د پاکستان تحریک انصاف پلویانو احتجاج په داسې وخت کې ترسره کیږي چې د پي ټي آیی بندي مشر عمران خان غوښتنه کړې چې د خیبرپښتونخوا په پوځي اپریشن کې د پوځ مخالفت وکړي.
په ورته وخت کې، د سپتمبر پر ۱۷مه د ملګرو ملتونو د امنیت شورا په غونډه کې د پاکستان دايمي استازي سفیر عاصم افتخار احمد وویل چې د افغانستان له خاورې وسایل اخیستونکې ترهګري د پاکستان لپاره تر ټولو ستر ګواښ دی، او یاد یې کړل چې داعش خراسان، القاعده، تحریک طالبان پاکستان، بلوچ لبریشن ارمي او د مجید بریګیډ ټول له هغه ځایه بریدونه کوي . .
شنونکي وایي په داسې مهال کې چې اسلاماباد د سرحدي ترهګرۍ پر ضد د نړیوالې پاملرنې غوښتنه کوي، د ترهګرو پر ضد عملیاتو مخالفت او د هغوی سره د خبرو غوښتنه د ملي اجماع کمزورول دي. په برېتانیا کې د پاکستاني نژاده خلکو شمېر نږدې ۲،۸٪ جوړوي. څېړونکي خبرداری ورکوي چې د کورني سیاست شخړې بهر ته وړل په داسې حساسو وختونو کې د پاکستان دیپلوماتیکو او امنیتي ګټو ته زیان رسولې شي .
نورخبرونه
پاکستان او سعودي عرب ترمينځ د سټريټجکي دفاعي تړون تاريخې معاهده