اسلام آباد: د بنو شهیدانو په جنازه کې ګډون د پي ټي آیی مشرانو ګډون نه کولو وروسته د دفاع وزير خواجه آصف سخت غبرګون مخې ته راغلې او ویلي ی دي چې د پي ټي آي مشران دې روښانه کړي چې دوی له چا سره ولاړه دي؟
دفاع وزير خواجه آصف د خيبر پښتونخوا په وزيراعلی علي امين ګنډاپور او د تحریک انصاف مشرتابه باندې نيوکه کړي دي. .
هغه په ایکس (پخوانی ټویټر) کې لیکلي: “پي ټي آي دې وښيي چې د دې جګړې په ډګر کې د چا ترڅنګ ولاړه ده؟ ايا د وطن د شهيدانو ترڅنګ او که د هغو هندي تمويل شوو ترهګرو ترڅنګ چې له افغانستانه راځي؟”
د آصف په وينا، په جنوبي وزيرستان کې د عملياتو پر مهال له افغانستانه د هند په ملاتړ راغلو ترهګرو ۱۲ پوځيان شهیدان کړل، خو د خیبر پښتونخوا وزیر اعلی او د پي ټي آي هېڅ استازی د شهیدانو په جنازه کې حاضر نه شول. .
دلته مهمه ده او باید یادونه وشي چې په جنازه کې وزيراعظم شهباز شريف، د پوځ مشر فیلډ مارشل سید عاصم منير او نور لوړپوړي چارواکي موجود وو.وزيراعظم په دې موقعه وویل چې افغانستان ته په څرګندو ټکو ويل شوي چې باید د پاکستان او ترهګرو ترمنځ يو انتخاب وکړي. سياسي شنونکي وايي چې د دفاع وزير توندې څرګندونې د وفاقي حکومت او پي ټي آي ترمنځ شخړه لا پسې زياتولی شي. خو پوښتنه پر ځای ده چې ولې د هغه ايالت وزیر اعلی په جنازه کې ګډون ونه کړ، په داسې حال کې چې پېښه په همدې صوبه کې رامنځته شوې ده.
نورخبرونه
ترهګر له افغانستانه پر پاکستان بریدونه کوي: وزیراعظم شهباز شریف