نیویارک: د ملګرو ملتونو د امنیت شورا په هغه بیړنۍ غونډه کې چې د قطر پر ضد د اسراییلو د هوایي برید وروسته راوبلل شوه، د پاکستان دایمي استازي سفیر عاصم افتخار د اسراییلي استازي څرګندونې په کلکو ټکو رد کړې او یو جرات منونکی او ښکاره دریځ یې وړاندې کړ.
د اسرایل بیانیه ردول
پاکستان استازي د اسراییلو څرګندونې حیراونکې وبللې او دا ی په سختو ټکو کې رد کړې.
دا لومړی ځل نه دی چې اسراییل خپلې ناقانونه کړنې د پټولو لپاره پر نورو تورونه لګوي. دغه هېواد نه یوازې ملګري ملتونه، بلکې نړیوالې محکمې او د بشري حقونو ادارې هم ګواښي
ده وویل اسرایل د خپلو جنایتونو د پټولو لپاره درواغجن او بې بنیاده تورونه وړاندې کوي، خو نن یې ریښتینی څېره د نړۍ پر وړاندې بربنډه شوې ده
د قطر برید غندنه
عاصم افتخار څرګنده کړه چې پر قطر بې بنسټه برید د دې هېواد پر خپلواکۍ او ځمکنۍ بشپړتیا مستقیم یرغل دی. ده په ټینګار سره وویل چې
پاکستان دغه تېری په کلکه غندي او د قطر ترڅنګ په بشپړ ډول ولاړ دی ، ده د وزیراعظم شهباز شریف د قطر وروستي سفر ته په اشارې وویل چې اسلامي امت باید د اسراییلو پر تېري په ګډه راپاڅي او ددوی په ضد ودریږي. .
د فلسطین په اړه د پاکستان دریځ
پاکستاني استازي وویل د فلسطین موضوع د لسیزو راهیسې د امنیت شورا پر اجنډا ده، خو اسراییل په پرلهپسې ډول د امنیت شورا د پرېکړه لیکونو پلي کېدو ته غاړه نه ږدي.
ده روښانه کړه چې پاکستان د فلسطین د دو دولتونو د حل پر کلک ملاتړ ولاړ دې. :
په نړیواله کچه د پاکستان رول
عاصم افتخار نړۍ ته په ډاګه کړه چې پاکستان د ترهګرۍ ضد جګړه کې د لومړۍ کرښې هېواد و او القاعده ی تر ډیره حده د پاکستان د هڅو په نتیجه کې له منځه یووړل شوه.
ده زیاته کړه مونږ د داسې یو هویاد بې بنسټه تورونه نه منو چې خپله په دولتي ترهګرۍ کې ښکیل وی لکه څنګه چې اسرایل په غزه او نیول شوې فلسطیني خاوره کې کوي.
د هند د اوبو تیري یادونه او غندنه
په همدې غونډه کې پاکستاني استازي د هند غیرمسؤلانه رویه هم یاده کړه او وې ویل چې د پاکستان وروستیو ویجاړوونکو سېلابونو کې د هند کړنو نور هم اور ته تېل ور واچول. هغه ټینګار وکړ چې اوبه باید د وسلې په توګه ونه کارول شي او نړیواله ټولنه دې له پاکستان سره ودرېږي.
نړیوال غبرګون
د غونډې وروسته د امنیت شورا غړو هم د قطر پر ضد برید وغنده او د دې هېواد پر خپلواکۍ او د منځګړیتوب رول یې ملاتړ څرګند کړ.
د پاکستان قوي سفارتکاري
د شنونکو په وینا، په تېرو دوو کلونو کې یوازینی اسلامي هېواد چې په هر نړیوال فورم کې د اسراییلو پر ضد ښکاره غږ پورته کوي پاکستان دی. د پخواني استازي منیر اکرم تر څنګ عاصم افتخار احمد دغه پالیسي نوره هم پیاوړې کړې ده او د پاکستان په نړۍ کې ظلم په ضد دریځ ی مخ په وړاندې وړې دې. .
د هغه د وینا په ترڅ کې کلکه ژبه کارول، ښکاره ټکي او د اسراییلي استازي پر لور نیغ کتنه دا څرګندوله چې پاکستان د یو ظالم او قابض دولت پر وړاندې هېڅکله هم شا لور ته تګ نه کوي. .
د نړیوالې ټولنې لپاره پیغام عاصم افتخار په پای کې وویل چې وخت راغلی چې نړۍ د اسراییلو پر وړاندې ګډ او کلک دریځ غوره کړي، ځکه دغه هېواد نه نړیوالې محکمې ته غاړه ږدي او نه د امنیت شورا پرېکړو ته درناوی لري.