د ټولنیزو رسنیو د بندیز پر ضد خونړي مظاهرې، وزیر داخلې استعفا وکړه، په دې مظاهرو کې شل ۲۰ مړه شول او د پولیسو په ګډون ۲۵۰ کسان ټپیان شول.
کټمنډو– په نیپال کې د ټولنیزو رسنیو پر بندیز او فساد پر ضد زرګونه ځوانان د پلازمېنې کټمنډو واټونو ته راوتلي وو. کله چې مظاهره کوونکو د پارلمان پر لور د تګ هڅه وکړه، پولیسو ورباندې د ربړ ګولۍ وویشتې، د ډنډو کارول، اوښکې بهوونکي ګاز او د اوبو توپونه وکارول .
د وزیر داخله استعفا
د مظاهره کوونکو پر ضد د سخت کریک ډاون له امله د نیپال د کورنیو چارو وزیر رامیش لیکهاک استعفا وکړه او خپله اخلاقي ذمهواري یې ومنله. د زیاتېدونکې کشمکش له امله په کټمنډو او یو شمېر نورو ښارونو کې ګرځبندیز لګول شوی دی.
تېره اوونۍ د نیپال حکومت د نوو راجسټر قوانینو د نه عملي کېدو له امله پر ۲۶ ټولنیزو رسنیو سایټونو بندیز لګولی و. د وزیر داخلې نږدې سرچینو ویلي چې استعفا ولسمشر ته سپارل شوې او منل شوې ده. سیاسي شنونکي وايي چې اوسنی حکومت تر سخت فشار لاندې دی او ښایي نورې استعفاوې هم وشي.
د وزیراعظم اپیل
د نیپال وزیراعظم خلکو ته په خپل پیغام کې له تاوتریخوالي ډډه کولو غوښتنه وکړه او ویې ویل چې حکومت د ولس غوښتنې اورېدو ته چمتو دی، خو په هېواد کې فضا لا هم ترینګلې ده
د مظاهرو وروسته له سوشل میډیا بندیز لرې شو
د تاوتریخوالي او خونړیو پیښو ډکې مظاهرو وروسته، حکومت په پای کې خپله پرېکړه بېرته واخیسته او له ټولنیزو رسنیو ی بندیز اوچت کړو. .
د حکومت ویاند او د اطلاعاتو وزیر پرتوي سباګرونګ اعلان وکړ چې په ټول هېواد کې د ټولنیزو رسنیو بندیز ختم شوی او خلک کولای شي یو ځل بیا فیسبوک، ایکس (ټویټر)، یوټیوب، انسټاګرام، ویبو او نور پلیټفارمونه وکاروي.
باید یادونه وشی چې ددغو مظاهرو په مهال پولیسو له لوري په مظاهره کوونو د شیلنګ او ربړ ګولۍ ویشتلو په پایله کې ۱۶ کسان وژل شوې وو. دلته دا خبره هم مهه ده او باید یادونه وشی چې نیپال حکومت په هیواد کې د کوم نماینده نه ټاکلو او په حکومتي کچه د رجسټریشن نه کولو له امله په فیس بک ،ایکس، یوټیوب سره سره په ۲۶ ایپلیکیشنز او پلیټ فارمونو باندې بندیز لګولې وو.