نن په پاکستان د رحمت للعالمین، خاتم النبیین، د نړۍ ستر لارښود نبي کریم حضرت محمد ﷺ د زوکړې ورځ د خوشحالۍ د یو جشن په توګه، د دیني ولولو او جذبې سره نمانځل کېږي .
د عید میلاد النبي ﷺ په تړاو د هیواد په ښار په ښار، کوڅه په کوڅه څراغونه لګول شوي، جوماتونه، لوړې ودانۍ، بازارونه او څلور لارې د شنو بیرغونو او څراغونو په رنګینۍ سره سینګار شوي دي . .
په ټول هېواد کې جلوسونه راایستل شوي او د درود او سلام په محفلونو کې د آقاې دوجهان ﷺ سره د مینې څرګندونه کېږي ، د عید میلاد النبي ﷺ د ورځې پیل په وفاقي پلازمینه اسلام آباد کې د ۳۱ او په صوبايي پلازمېنو کې د ۲۱ – ۲۱ توپونو د سلامۍ سره وشو، د سهار مونځ وروسته په جوماتونو او کورونو کې د هېواد د پرمختګ، امنیت، سوکالۍ او د مسلمانو د اتحاد او یو والي لپاره ځانګړې دعاوې وشوې.
دلته باید یادونه وشي چې په ضم قبایلي ضلعو کې هم د ربیع الاول میاشتې پیل سره په جوماتونو ،حجرو او سکولونو کې د آخري نبي محمد صلی الله علیه واله وسلم د زیږون ورځ په ډیرمذهبي جوش او جذبې سره نمانځل کیږي.
په دې غونډو کې دیني عالمان د آخري پیغمبر په ژوند او د نړۍ ټولو انسانانو ته د هغوی لارښوونه باندې رنړه اچولې شي او د آخري پیغمبر دې نړۍ انسانانو لپاره د یو ستر دین اسلام راوړلو لپاره هغوی د یو روښانه لارښود په توګه یادولې شي.
د وزیراعلی ګنډا پور لوري مهم پیغام
د آخري پیغمبر د میلاد ورځې په تړا د خیبر پښتونخوا وزیراعلی علي آمین ګنډا پور لوري ځانګړې پیغام هم مخې ته راغلې دې. نوموړي په خپل ایکس پانړه لیکلي چې د خاتم النبیین حضرت محمد صلی الله علیه واله وسلم دې نړۍ ته راتګ د ټولو انسانانو لپاره یو لوی رحمت دې او د محمد لارښوونې او تعلیمات د ټولې نړۍ انسانانو لپاره یوه بشپړه تګلاره او ځانګړې نمونې دي، نوموړي په خپل پیغام کې لیکي چې د آخري پیغمبر دې نړۍ ته راتګ د الله تعالي لوري د نړۍ په ټولو انسانانو یو لوی رحمت دې.