د افغانستان په تاریخ کې نن یوه لویه د اهمیت او ویاړ ورځ ده، په دې ورځ له افغانستان د امریکا په مشرۍ کې د نیټو ۲۰کلنه جګړه پای ته ورسیدله او نن په ۳۱م اګست آخري امریکایی سرتیرې له افغانستان واپس امریکا ته ستون شو
د ناین الیون بریدونو وروسته امریکا په افغانستان کې اوږده جګړه پیل کړه. دا جګړه شل کاله روانه وه. واشنګټن خپل ټول ځواک، ټکنالوژي او تکتیکونه وازمویل، خو د افغان جنګیالیو پر وړاندې یې د بریا لار ونه موندله. بالاخره د ۲۰۲۱ د اګست په ۱۵مه طالبان بریالي ودرېدل او امریکا د ناکامۍ له تلخې نتیجې سره مخامخ شوه او له افغانستان ی خپل سرتیرې واپس ویستل پیل کړل
وروستۍ امریکایی بوځي چې له افغانستان لاړو
د جګړې پای ته رسېدو څو ورځې وروسته، د ۲۰۲۱ د اګست په ۳۱مه، د امریکا وروستی پوځی له کابل نه ووت. هغه میجر جنرال کرس ډوناهو و، چې د ۸۲ ایئربورن ډویژن قوماندان و. نوموړی د کابل له حامد کرزي هوايي ډګر څخه د امریکا په وروستي پوځي الوتکه کې سپور شو.
د سی–۱۷ الوتکې له کړکۍ څخه د نایټ وژن کیمرې په واسطه اخیستل شوې شین او تور رنګه انځور کې ډوناهو په بیړه د الوتکې پر لور روان ښکاري. پینټاګون دغه انځور خپور کړ او په حقیقت کې یې د ۲۰ کلنې جګړې د پای اعلان وکړو
نړیوالو دفاعي شنونکو دغه انځور تاریخي وباله او هغه یې د ۱۹۸۹ کال له انځور سره پرتله کړ، کله چې د شوروي پوځ وروستی جنرال له افغانستانه ووت.
دلته دا مهمه ده او باید یادونه وشی جې دا دواړه انځورونه نړۍ ته دا پیغام ورکوي چې افغانستان د “امپراتوریو هدیره” ده او دې هیواد ته چې کوم هیواد هم د جنګ په نیت راننوتلې دې ، نو له دې هیواد کې ماتې سره مخ شوې دې
د امریکا وتنه د برتانوي ځواکونو له ۱۸۴۲م کال د ماتې سره هم پرتله کېږي، کله چې د انګلو-افغاني جګړې پر مهال یوازې یو ژوبل ډاکټر، ولیم برایډن، ژوندي پاتې شو او د کابل له غره ښکته راغی. د هغه حالت د انځورګرې الزبت تامسن په مشهوره پینټنګ
The Remnants of an Army کې ثبت شوی دی
که څه هم امریکا د خپلو متحدینو په مرسته له افغانستانه د ۱۲۳ زره کسانو په ایستلو کې بریالۍ شوه، خو د جګړې پایله یې ناکامي وه. وروستی الوتکه د شپې په تیارو کې پورته شوه او د امریکا د اوږدې جګړې ټوله بیه یې څرګنده کړه
جنرال ډوناهو چې د رائفل، هلمیټ او نایټ وژن عینکو سره په بشپړه جنګي یونیفورم کې وو ، په چټک قدم پرمخ تلو. د هغه په څېره کې خاموشي او پټه ویره ښکاره وه – لکه داسې چې پوهېده د نړۍ ستر ځواک هم افغانستان کې ماتې وخوړه.
دلته باید یادونه وشی چې د افغانستان او امریکا په تاریخ کې دا ورځ او د اګست میاشت ډیره د اهمیت وړ میاشت ده، په دې میاشت کې چې کله امریکایی او نیټو ځواکونه له افغانستانه وتل پیل شوې وو ، د کابل هوایی ډګر په دروازه یو ځانمرګي برید وکړو، په دې برید کې ۱۳ امریکایی پوځیان هم وژل شوي وو