د خېبر پښتونخوا په مختلفو سيمو کښې په سيکيورټي فورسز او پوليسو د فتنه هند مرستيال ترهه ګرو بريدونه کړي ولې د سيکيورټي فورسز موثره او جوابي کارروائۍ په مهال وسله وال خپل مقصد کښې کاميابيدو ته نه دي پريښودې شوے ۔ د کوهاټ په لاچي تحصيل کښې پايه نومي علاقه کښې شرخوښو د پوليسو په ګاډي حمله کړي وه،د دې حملې په نتيجه کښې اشفاق نومي پوليس اهلکار شهيد شوي او دوه کانسټيلان ژوبل شوي وو ۔ دحملې وروسته بريد ګر نزدې غريزه علاقو کښې پټ شوي وو، د پوليسو جوابي کارروائۍ په مهال درې ترهه ګر وژلي شويدي او دوي د ولقې نه وسله برآمد کړي شويده، حمله کښې ژوبل شوي شفيق او ياسر نومي پوليس اهلکار علاج لپاره کوهاټ هسپتال ته منتقل کړي شويدي ۔
بره دير او بنو کښې د ترهه ګرو بريدونه ناکامه کړي شوي
بره دير کښې د افغانستان د خاورې نه د سيکيورټي فورسز په يو چيک پوسټ د فتنه هند مرستيال ترهه ګرو د بريد او په چيک پوسټ د قبضې کوشش ناکامه کړي شوېدے ۔ د شپے ناوخته ګڼ شمير ترهه ګرو افغان پولې ته څيرمه د براول تحصيل په سوني دره علاقه کښې د سيکيورټي فورسز په چيک پوسټ د درنې وسله د لارې بريد کړي وو چې پکښې څلور سيکيورټي اهلکار شهيد شوي وو، بريد وروسته ترهه ګرو په ياد چيک پوسټ د قبضې کوشش هم کړي وو ولې د مشواني قبيلې ځوانان وسله په لاس د سيکيورټي فورسز د کومک لپاره راغلي وو چې لوجې ئې بريد ګر تيښته کښې بريالي شويدي، مقامي سرچينو ترمخه په چيک پوسټ حمله کونکي کسان د افغانستان څخه راغلې وو چې ورته د پولې دې اړخ نه هم سهولت کاري او سپورټ ترلاسه وو، سرچينې زياتوي چې حمله کونکي د يو منظم منصوبې د لاندې د سيکيورټي فورسز په چيک پوسټ د قبضې اراده لرله خو د مقامي کلي د مشرانو او سيکيورټي فورسز مشترکه کارروائيو د بريد ګرو ټوله منصوبه ناکامه کړې او دوي واپس د پولې هغې اړخ ته قائم کړي شوي خپل خوندي مرکزونو ته تښتيدلي وو ۔ د افغانستان د خاورې نه د بره دير په سيکيورټي چارواکو بريد په داسې مهال شوي وو چې طورخم پوله باندې تيره شپه د پاکستان او افغانستان پوله ساتونکي اهلکارو ترمينځ ډزو تبادله هم شويده،ځائي سرچينو ترمخه د افغانستان د خاورې نه په شين کنډاؤ چيک پوسټ ډزې شوي وو چې په نتيجه کښې يو سيکيورټي اهلکار شهيد شويدي ۔ د دې حملو دوران د فتنه هند مرستيال ترهه ګرود بنو په ميريان تهاڼه هم د حملې ناکامه کوشش کړي وو، د بنو پوليس چارواکو ترمخه خواؤ شا پنځوس شرخوښو په تهاڼه د سپکې او درنې وسلې د لارې بريد کړي وو ولې د پوليسو موثره او فوري جوابي کارروائۍ دوران د حملې دغه کوشش ناکامه کړې او حمله کونکي د شپے ته تياره کښې په تيښته کښې بريالي شويدي، حمله کښې پوليسو ته څه قسمه ځاني زيان نه دي اوړيدلے ، په ميريان تهاڼه مخکښې هم څو وارې ترهه ګرو بريدونه کړي وو ۔
ډي آئي خان کښې کامياب عمليات،څلور ترهه ګر وژلي شوي
ډيره اسماعيل خان کښې هم سيکيورټي فورسز د کالعدم تنظيم ټي ټي پي د ترهه ګرو خلاف کامياب عمليات کړيدي، د کلاچۍ تحصيل په لوني علاقه کښې د شرخوښو د موجودګۍ په اطلاع سيکيورټي فورسز لټوني آپريشن کړې وو،د عملياتو دوران د ترهه ګرو او سيکيورټي فورسز ترمينځ ډزو تبادله هم شوي وه چې پکښې څلور ترهه ګر وژلي شويدي، وژلي شوي ترهه ګرو کښې د ټي ټي پي مهم کمانډر جهانزيب او د هغه درې نور ملګري شامل وو،دې کارروائۍ دوران دوه سيکيورټي اهلکار هم شهيد شويدي، وژلي شوي کسان په سيکيورټي فورسز او عام کسانو بريدونو کښې ککړ وو او د ترهه ګرۍ په مختلف واقعاتو کښې مطلوب
وو ۔ د دې کسانو د ولقې نه وسله او کارتوس هم برآمد کړي شويدي