اسلام آباد: په خوست او ننګرهار کې د نامعلومو ډرون بریدونو وروسته د کابل او اسلاماباد ترمنځ اړیکې بیا ترینګلې شوې دي
د افغان رسنیو او حکومتي سرچینو له مخې د خوست او ننګرهار په ولایتونو کې د نامعلومو ډرون بریدونو له امله ګڼ کسان وژل شوي او ټپیان شوي دي. د دې بریدونو مسوولیت تر اوسه هېڅ ډلې یا دولت نه دی منلی، خو افغان چارواکو سمدستي پاکستان تورن کړې دې
د کابل د بهرنيو چارو وزارت ویاند ویلي چې د پاکستان ناظمالامور یې راغوښتلې دې او رسمي احتجاج د هغوی په وړاندې کړې دې
د افغانستان د دفاع وزارت هم په یوه اعلامیه کې دغه بریدونه د پاکستان کار بللي دي
د پاکستان دریځ او د افغان لوري دوامداره تورونه
پاکستاني چارواکو تر اوسه د دغو تازه تورونو په اړه رسمي دریځ نه دی خپور کړی، خو تر دې وړاندې یې ورته دعوې بېدلیله او یو اړخیزې بللې وې. د اسلاماباد په وینا په وروستیو ورځو کې د ترهګرۍ زیاتره پېښې له افغان خاورې سره تړاو لري۔
پاکستاني امنیتي سرچینې وايي چې څو ورځې وړاندې په بلوچستان کې د تحریک طالبان پاکستان ۶۶ وسلهوال وژل شوي چې زیاتره یې د افغان تابعیت لرونکي وو. سره له دې، افغان حکومت پر پاکستان د تورونو لړۍ نه ده درولې
دلته مهمه ده او باید چې یادونه وشی چې په سرحدي سیمو کې د ترهګرو په ضد د پاکستان امنیتي ځواکونو اپریشن کې ګنړ شمیر افغان تبع ترهګر اووژل شول چې ددې ترهګرو مړي بیا وروسته افغانستان ته انتقال کړې شول
دا څرګندوي چې د افغان خاوره وس هم د پاکستان په ضد کارول کیږي خو بیا افغان حکومت ددې ترهګرو په ضد هیڅ کوم ګام نه اخلي
د خلیجي مرستو درول او د فساد ادعاوې
په سیمه کې د روانو امنیتي حالاتو تر څنګ داسې راپورونه هم راغلي چې ځینو خلیجي هېوادونو د تحریک طالبان پاکستان د بیا مېشتېدو لپاره ورکړل شوې مالي مرسته د فساد او ناوړه استفادې له امله بنده کړې ده
دیپلوماتیکو سرچینو ویلي دغه پیسې په افغان خاوره کې د ځانګړو ډلو په نور سیمو کې د آبادولو لپاره وې، خو د حساب ورکونې د نشتوالي له کبله یې لړۍ ودرول شوه. د شنونکو په باور دا پرېکړه د سیمې د سختدریځۍ د مالي شبکې لپاره یو لوی ټکان بلل کېږي
د پاکستان اندېښنې او تکراري خبرداري
پاکستان بیا ځل ټینګار کوي چې د افغانستان خاوره د ترهګرۍ لپاره کارېږي. د نیکټا او نورو ادارو د ۲۰۲۳ او ۲۰۲۴ کلونو راپورونه ښيي چې د پاکستان پر ضد ډېری بریدګر له افغانستان راغلي یا هلته روزل شوي وو
اسلاماباد وايي، سره له پرلهپسې ژمنو، د کابل اداره د ترهګرۍ په مخنیوي کې عملي ګامونه نه دي پورته کړي او همدې موضوع د دواړو هېوادونو اړیکې سختې ترینګلې کړې دي .
شننې او راتلونکی لوری
د خوست او ننګرهار وروستي پېښې او پر پاکستان تورونه نه یوازې د دواړو هېوادونو اړیکې زیانمنوي بلکې د سیمه ییزې سولې او همکارۍ پر بهیر هم پوښتنې راپورته کوي
کارپوهان وایي، که افغان لوری یوازې پر تورونو ولاړ دریځ ته دوام ورکړي او د پاکستان اندېښنې له پامه وغورځوي، نو د دواړو هېوادونو اړیکې به بیا د کړکېچ ښکار شي
پاکستاني چارواکي ټینګار کوي چې پر ځای د تورونو، باید دواړه هېوادونه ګډ کار وکړي څو د ترهګرۍ د اوږدمهاله ستونزې لپاره عملي حل ولټول شي.
د دوی په وینا، د ګډو هڅو نشتوالی نه یوازې د دواړو هېوادونو امنیتي وضعیت زیانمنوي بلکې د ټولې سیمې ثبات به هم له ګواښ سره مخ کړي