پاک افغان بارډر سره څیرمه د ضلع خیبر لرې پرته سیمه وادي تیراه کې د ذخه خېل پړاک بنګله هیډکوارټرمرکزي دروازې مخې ته ځانمرګي برید کوونکي ځان ته چاودنه ورکړې ده
سرچینې تایدوي چې په دې ځانمرګي برید کې د امنیتي ځواک یو حوالدار ارشد شهید شوی او څو نور امنیتي اهلکار ټپیان شوي دي
دلته باید یادونه وشی چې رسینو ته رارسیدلي راپورونه وایی چې ددې برید ذمه واري د کالعدم ډلې تنظیم اتحاد المجاهدین پاکستان له لوري منل شوې او ادعا یې کړې چې دا برید قاري عمر آفریدي په نوم بریدګر ترسره کړی دی
دلته مهمه ده او باید چې یادونه وشي چې په دې لنډو ورځو کې د ناقانونه ګرځول شوي تحریک طالبان پاکستان مشرانو او د تیراه برقمبر خیلو د جرګې مشرانو ترمینځ یو تړون هم شوې وو ، د تړون له مخې دواړه لوري په دې راضي شوي وو چې هیڅ کوم اړخ به په برید کې لومړیتوب نه کوي
بل اړخ ته په تیراه میدان او نزدې سیمو کې د امنیتي ځواکونو له لوري د ترهګرو د لټون لپاره عملیات روان دي
د برید په پایله کې ټپیان اهلکار روغتون ته رسول شوي دي. د ځانمرګري برید وروسته په سیمه کې د ځایی اولس ترمینځ ډار او اندیښنې راولاړې شوي دي