د ګلګت بلتسستان حکومتي وياند فيض الله فراق لخوا جاري شوي بيان کښې وئيلي شويدي چې د ديامر ضلعې په هډر سيمه کښې ناپيژندلې وسله والو د سکاوټس اهلکارو په يو چيک پوسټ حمله کړي وه ، د حملې دوران نائب صوبيدار او دوه نور سيکيورټي اهلکار شهيد شوي او يو اهلکار ژوبل شوي وو۔ حمله کونکي د شپے د تياره نه فائده پورته کړې او تيښته کښې بريالي شوي وو،د بريد سمدستي وروستو سيکيورټي اهلکارو سيمه ولقه کښې اخستي او د شرخوښو خلاف ئې سرچ آپريشن شورو کړېدے، د ګلګت بلتستان وزيراعلي حاجي ګلبر خان د دې پيښې نوټس اخستې او د متعلقه چارواکو نه ئې رپورټ غوښتې دے ، وزيراعلي په پيښه کښې ککړ کسان په فوري توګه ګرفتارولو او ورته سخت سزا ورکولو حکم کړېدے ۔ د صوبائي حکومت وياند فيض الله فراق د ترهه ګرو حمله بزدلانه کارروائي ګرځولي او وئيلي ئي دي چې هيچا ته به د ګلګت بلتستان امن د خرابولو اجازت ورنه کړو پيښه کښې ککړ کسان به ډير زر ګرفتار کړو۔ بريد کښې ژوبل سيکيورټي اهلکار چلاس هسپتال ته منتقل کړي شوېدے