د برتانیې حکومت د ناقانونه کډوالۍ د مخنیوي لپاره سخت اصلاحات اعلان کړي، نایجل فراج ویلي دي چې هر هغه کډوال چې بې اجازې انګلستان ته داخل شي، و به ونیول شي، خپلو هېوادونو ته به شړل کېږي او بیا به د تل لپاره د انګلستان داخلېدو څخه محروم وي
د برتانیې د ناقانونه کډوالۍ تګلاره
د برتانیې چارواکي وایي دا نوې اقدامات د هغو امنیتي اندېښنو له امله شوي چې د ناقانونه کډوالو د زیاتېدو سره تړاو لري. د هغوی په باور بې کنټروله راتګونو د هېواد پر سرچینو، د سرحدونو پر مدیریت او د قانون د پلي کولو پر ادارو فشار راوړی، نو ځکه کلک اقدامات اړین دي څو نظم بېرته ټینګ شي.
د افغان کډوالو په اړه د پاکستان دریځ
پاکستان هم ورته تګلاره خپله کړې ده او تمرکز یې د هغو افغان کډوالو پر بېرته ستنولو دی چې قانوني اسناد نه لري. چارواکي وایي چې ناقانونه میشت افغانان د قانون او نظم لپاره خطر دي او ملي امنیت ته ګواښ پېښوي. حکومت بیا بیا د ناقانونه مېشتېدو تړاو د قاچاق، ترهګرۍ او پر کمزورې اقتصاد د بار د زیاتېدو سره تړلی دی.
خو د برتانیې د مطلق بندیز پر ځای، پاکستان د بېرته ستنولو مرحلهيي پلان اعلان کړی و، څو څو ځله یې د رضا کارانه ستنېدلو نېټې وټاکلې او د عملي کولو نه مخکې یې قانوني لارې هم برابرې کړې. سره له دې، لسګونه زره افغانان ایستلي شوي او ګڼ نور لا د حکومتي امر له مخې د ستنېدو په حال کې دي.
د کډوالۍ کچه
د شمېر له مخې، د پاکستان ننګونه څو برابره ستره ده. برتانیه په وروستیو کلونو کې د لسګونو زرو ناقانونه راتګونو سره مخ شوې، چې ډېری یې د کښتیو له لارې راغلي، خو پاکستان شاوخوا څلور میلیونه افغانان کوربه توب کړي چې تر یوه میلیونه ډېر یې ناقانونه اټکل کېږي. چارواکي وایي نړۍ کې بل هېڅ هېواد دومره بار په اوږو نه دی وړی، سره له دې د پاکستان اقدامات د لوېدیځ د سختو کړنو په پرتله نرم دي
نړیوال غبرګونونه او دوه ګونی معیار
د برتانیې تګلاره د امنیتي اړتیا په نوم ډېره دفاع شوې، خو پاکستان د ورته اقداماتو له امله د ځینو نړیوالو سازمانونو او د حقونو د ډلو نیوکه زغملې ده. د اسلام آباد چارواکي وایي دا ښکاره دوه ګونی معیار دی، که په انګلستان کې د کډوالو نیول او شړل د منلو وړ ګڼل کېږي، نو د پاکستان پالیسي هم باید ومنل شي چې د افغان کډوال هم ددې هیواد په اقتصاد زیات بار دې او د امنیتي ستونزو له امله هم افغانان یو ګواښ دې
پاکستان څلوېښت کاله د افغان کډوالو کوربه توب کړی چې ستر اقتصادي او ټولنیز لګښتونه یې منلي دي. چارواکي ټینګار کوي چې د پاکستان تګلارې لا هم د لوېدیځو هېوادونو په پرتله نرمې دي، خو نړیوال تمرکز او نیوکې تر ډېره یوازې پر پاکستان کېږي
دلته ددې خبرې باید بایدونه وشي چې پاکستان کې پي او آر کارډ لرونکي افغان وګړي ۱.۴ ملیونه او اې سي سي کارډ لرونکي څه اته لکه دي