باجوړ: امنیتي ځواکونو پنځه سیمې له ترهګرو څخه بشپړه پاکې کړې او حکومتي واکمي په دې سیمو کښې بحال کړې شوې ده
د باجوړ ضلعې ادارې د معلوماتو له مخې امنیتي ځواکونو د باجوړ د سېریې کلان، سري میاګان، لنډۍ کلان، بلال مسجد ترخو او شمشیرګر قلعه ترخو سیمې د ترهګرو له شتون څخه پاکې کړې دي
د ضلعي ادارې په وینا، په یادو سیمو کې اوس حالات عادي شوي او د دولت بشپړه واکمني بېرته ټینګه کړې ده او ددې سیمو امن بحال شوې دې
اداره وایي چې له پاکو شویو سیمو اوسیدونکي کولای شي خپلو کورونو ته ستانه شي، او ریاست به هغوی ته بشپړه امنیتي ساتنه او هر اړخیزه مرسته برابره کړي
د چارواکو په خبره، د باجوړ نورو اغېزمنو سیمو د بې کوره شویو کورنیو د بېرته ستنېدو بهیر به په پړاوونو کې بشپړ شي
یاده دې وي چې امنیتي ځواکونو څو ورځې وړاندې په باجوړ کې د فتنۀ الخوارج ترهګرو پر ضد عملیات سربکف عملیات پیل کړي وو، له دې وړاندې د صوبایی حکومت له لوري د ځایی مشرانو یوې جرګې وسله والو ډلې سره له سیمې وتلو لپاره خبرې وکړې خو دا خبرې اترې ناکامه شوې او بیا حکومت او امنیتي چارواکو په دې سیمو کښې د اپریشن کولو پریکړه وکړه
