په داسې مهال چې د پاکستان په ټولو صوبو کښې د بارانونو لړې دوام لري وخت په وخت د خېبرپښتونخوا،ګلګت بلتسان او کشمير کښې کلاؤډبرسټ واقعات رامخې ته کيږي او موسمياتو محکمې دنورو بارانونو او سيلابونو خبردارې هم ورکړېدے د هند لخوا دريائے ستلج کښې اضافي اوبه راپريخودي شويدي چې لوجې ئې پنجاب کښې د ممکنه سيلابونو الرټ جاري شوېدے، د هند لخوا اوبه راپريخودو په وجه ستلج درياب کښې حفاظتي بندونه په اوبو کښې لاهو شويدي، خواؤ شا کلي په اوبو کښې ډوب شويدي او انتظاميي په زرګونو خلک محفوظ مقاماتو ته منتقل کړيدي ، د څليريشت ګهنټو دوران هند واکمنو پاکستان له دوه ځله د اوبو د پريخودو اطلاع ورکرې وه خو پاکستان ته دغه اطلاع د سفارتي ذرائع د لارې ورکړې شوي وه ، دريائے ستلج کښې د اوبو سطح خطرناک حد پورې سيوا کيدو نه پس اين ډي ايم اے پنجاب کښې د ممکنه سيلابونو خبردارې ورکړېدے متعلقه ادارو ته د څه قسمه ممکنه نقصاناتو نه د بچ کيدو لپاره تيار اوسيدو او په هنګامي بنياد اقدامات پورته کولو هدايات جاري شويدي ۔ سفارتي ذرائع وائي چې هند په اسلام آباد کښې د خپل هائي کميشن په ذريعه پاکستان ته خبردارې ورکړې وو چې د مقبوضه کشمير کښې د طوي درياب کښې د سيلاب ممکنه خطره ده ۔ پاکستان په دريائے ستلج کښې اضافي اوبه راپريخودو په حواله د هند لخوا سند طاس د معاهدې او نړي وال قانون مطابق اطلاع نه ورکولو باندې د تشويش اظهار کړېدے ۔ د خارجه دفتر لخوا جاري شوي بيان کښې وئيلي شويدي چې د سند طاس د معاهدې مطابق هند واکمنو د دې پابند دي چې په دريابونو کښې اوبه راپريخودو او يا د اوبه بندولو لپاره به پاکستان ته د مخکښې نه اطلاع کوي او دغه اطلاع يا معلومات به د انډس واټر کميشن په ذريعه پاکستان ته ورکوي خو هند واکمنو د سند طاس د معاهدې خلاف ورزي کړيده او د ممکنه سيلاب خبردارې ئې د سفارتي ذرائع نه پاکستان ته ورکړې وو۔ د خارجه دفتر په بيان کښې زياته کړي شويده چې د هند واکمنو لخوا بار بار د سند طاس معاهدې خلاف وزري د منطقې امن د خطرې سره مخ کولې شي ۔ پنجاب کښې د ممکنه سيلاب لوجې سيالکوټ، قصور، نارروال،اوکاړه،پاک پتن،بهاولنګر، وهاړي او نورې سيمې د متاثره کيدو انديښنه ده راتلونکي څليريشت ګهټنو کښې د پنجاب په دريابونو کښې د اوبو سطح کښې د نورې اضافې خبردارې هم ورکړي شوېدے۔