د خارجه وزارت ترجمان شفقت علي خان هفته وار پريس بريفنګ ته وينا په مهال پاکستان ته د چين د خارجه وزير وانګ اي دوره ګټه وره بللي ده،وئيلي ئي دي چې دې دورې په مهال د افغانستان،مشرقي وسطي صورتحال او ترهه ګرۍ خلاف روان جنګ په معاملو خبرې شويدي، شفقت علي خان وينا ترمخه د وانګ اي اسلام آباد سفر به د دواړو هيوادونو اړيکې نورې هم پراخه کړي پاکستاني چارواکو سره ملاقاتونو کښې سي پيک فيز ټو،تجارت،سرمايه کارۍ او توانائۍ شعبو کښې تعاون باندې اتفاق شوېدے ۔ خارجه دفتر ترجمان کابل ته د خارجه وزير اسحاق ډار دوره او ملاقاتونو تفصيلات هم ميډيا سره شريک کړېدے او وئيلي ئي دي چې کابل کښې د پاکستان،افغانستان او چين خارجه وزيرانوشپږم سه فريقي اجلاس شوي وو چې پکښې سياسي،معاشي او سيکيورټۍشعبو کښې تعاون په معاملو خبرې شوي وې ۔ درې واړو ملکونو د منطقې امن او څوکالۍ لپاره مشترکه اقدامات پورته کولو باندې زور راوړې وو د دې ترڅنګ د پولو سيکيورټۍ ،ترهه ګرۍ د خطرو مخ نيوي په معاملو تفصيل سره خبرې شوې وې او درې واړو خارجه وزيرانو د مخادره موادو او سمګلنګ مخ نيوي او جرمونو خاتمے لپاره خپل مينځي تعاون باندې متفق شوي وو،د يوې پوښتنې په جواب کښې شفقت علي خان ووئيل چې د کابل دورې په مهال د خارجه وزير اسحاق ډار د افغان هم منصب امير خان متقي سره ملاقات هم شوي وو،اسحاق ډار د افغانستان خاوره د پاکستان خلاف استعماليدو معامله افغان خارجه وزير سره پورته کړي وه ۔ د خارجه دفتر د ترجمان وينا ترمخه پاکستان د خپل ګاونډي هيواد افغانستان سره ښه اړيکې غواړي خو د افغانستان نه د ترهه ګرۍ خطره د پاکستان د ايجنډې بنيادي جز دے افغانستان کښې موجود ترهه ګر نه صرف د دواړو هيوادونو تعلقاتو باندې خراب اثرات پريباسي بلکه افغانستان کښې ترهه ګر بيا منظم کيدل د منطقې امن و استحکام له هم خطره ده ۔ د خارجه دفتر ترجمان اسلام آباد کښې د افغان جلا وطن مشرانو او د اسلامي امارت د مخالفينو اجلاس په حواله د افغان دولت انديښنو بے ځايه ګرځولي دي او وئيلي ئي دي چې دا اجلاس يو پرائيوټ تهنک ټينک لخوا رابللي شويدے دا يو اعلانيه ملاقات دے دا اجلاس د پاکستان رياستي پاليسۍ سره تړل نه دي پکار دا قسمه غونډو سره د حکومت هيڅ واسطه نه وي ۔ پاکستان کښې د ترهه ګرو خلاف روان عملياتو کښې د نورو ملکونو د مرستو په حواله د يوې پوښتنې په جواب کښې د خارجه دفتر ترجمان ووئيل چې پاکستان کښې د شرخوښو خلاف چې کوم پوځي عمليات جاري دے دا پاکستان په خپل سر کوي دې کښې د هيڅ ملک مرسته يا څه قسم کومک نشته البته د پاکستان او نورو ملکونو ترمينځ انټلي جنس تعاون شته د ترهه ګرۍ د خطرو يا د شرخوښو د راتګ راتګ په حواله د معلوماتو د تبادلې لپاره دا قسم انټلي جنس تعاون ضروري هم وي ۔
د هند د جارحيت به غاښ ماتې جواب ورکوؤ،خارجه دفتر
د خارجه دفتر ترجمان شفقت علي خان د سند طاس معاهدې په حواله د ثالثې عدالت د فيصلې هرکلي کړې او وئيلي ئي دي چې ثالثي عدالت هم د پاکستان د موقف تائيد کړېدے او د هند لخوا د دې معاهدې څه قسم خلاف ورزي ئې مسترد کړيده، د خارجه دفتر ترجمان د هند نيوکليئر بليک ميلنګ بيانيه د مودي حکومت لخوا جوړه کړي شوي ګمراه کن مفروضه ګرځولي ده او وئيلي ئي دي چې د دې مقصد پاکستان بدنامول دي۔ خارجه دفتر ترجمان واضح کړيده چې پاکستان يو ذمه وار ايټمي طاقت دے کمانډ اينډ کنټرول ئې په سويلين نګرانۍ کښې مکمل محفوظ دے په پاکستان د دروغو الزامات د هند د واکمنو پخوانې عادت دے ۔ شفقت علي خان د هند لخوا په لوئې مقدار کښې وسله اخستو باندې تشويش کړېدے،وئيلي ئي دي چې په دې معامله نړي والې ورورلۍ هم خاموشي خپله کړيده، منطقه کښې د وسلې زغل سيمه د عدم استحکام ښارکولې شي۔۔ د خارجه دفتر ترجمان هند له خبردارې ورکړېدے که چرې د پاکستان خلاف ئې دوباره څه قسمه جارحانه اقدامات وکړل يا د پاکستان د خپلواکۍ خلاف ورزي ئې وکړه نو فوري او موثره جواب به ورله کوؤ او د هرقسم حالاتو ذمه واري به د هند په سر وي ۔ د خارجه دفتر ترجمان دا هم وئيلي دي چې خارجه وزير اسحاق ډار هند له د کشمير بشمول په ټولو مسائلو او معاملو د مذاکراتو وړانديز کړېدے بايدچې مودي انتظاميه د دې وړانديزمثبت جواب ورکړي ۔ خارجه دفتر ترجمان وائي چې چين کښې کيدونکې د ايس سي او تنظيم سرمشريزه غونډې دوران د وزيراعظم شهبازشريف او دهندد هم منصب نريندر مودي ترمينځ د ملاقات هيڅ امکان نشته ۔ پريس بريفنګ ته وينا په مهال د خارجه وزارت ترجمان د فلسطين بشمول نورو معاملو باندې هم تفصيلي خبري کړي او د خبريالانو د پوښتنو جواب ئې ورکړېدے، په غزه د اسرائيل د قبضې په حواله د خارجه دفتر ترجمان ووئيل چې ګريټر اسرائيل جوړولو او فلسطنيان د غزه نه شړلو په حواله د اسرائيل د حکومتي مشرانو بيانونه د نړي وال قوانينو او د متحده قامونودقراردادونو خلاف ورزي ده غزه کښې فوري جنګ بندي پکار ده ۔