د فلسطین په غزه د اسرایلي ځواکونو بریدونه دوام لري او د اسرایل په تازه بریدونه کښې یوپنځوس ۵۱ فلسطینیان شهیدان شوي دي.
د بهرنيو رسنيو د راپور له مخې د نهې ورځ له سهاره تر اوسه د اسراییلي بریدونو له امله لږ تر لږه ۵۱ فلسطينيان شهید شوي دي.
د رسنیو راپور ترمخه په شهیدانو کښې ۸ات هغه کسان هم شامل دي چې د مرستو ترلاسه کولو لپاره هڅې کولې او په دې وخت کښې د اسرایلو د برید ښکار شو او ژوند ی له لاسه ورکړو.
په راپور کې ویل شوي چې اسراییلي ځواکونو د غز په هغو مرکزونو ډزې کړې چې هلته د مرستو وېش کېدل او یو شمیر وګړي د مرستو ترلاسه کولو په انتظار ولاړ وو چې د اسرایل برید ښکار شو.
سربېره پر دې، په خان یونس کې د بېکوره شوو خلکو د خېمو پر سر بریدونو کې لږ تر لږه ۸ فلسطينيان شهیدان شوي، او د مرکزي غزه په دیرالبلح کې د یوې خېمې پر سر برید کې نور ۴ تنه هم وژل شوي دي.
اسرایلي بریدونو کښې خبریالان هم شهیدان کیږي
عام اولس سره سره په غزه کښې د میډیا کوریج کوونکي خبریالان هم په نښه کیږي او د رسنیو راپور ترمخه د اګست ۱۰، ۲۰۲۵م نېټې د شپې مهال، د غزه ښار د الیشفا روغتون د دروازې مخې ته په یوه خېمه چې خبریالانو پکې استوګنه وه، د اسراییلي فضایي برید له امله ژوند له لاسه ورکړو، په دې برید کې د الجزیره رپورټر انس الشریف ,,محمد قریقه، الجزیره رپورټر او کیمره مین ابراهیم زاهر او محمد نوفل هم شهیدان کړې شول.
د غزې د دولتي مطبوعاتي دفتر د معلوماتو له مخې، د اسراییلو له خوا په غزه کې پیل شوې نږدې دوه کلنه نسلوژونکې جګړه کې تر اوسه د ۶۲ زرو نه زيات فلسطينيان شهيدان شوي دي چې پکې لږ تر لږه ۱۸ زره ۸۸۵ ماشومان هم شامل دي.
دا مهمه ده او باید یادونه وشي چې د حماس له لوري د قطر او مصر د اوربند پر وړاندیز د رضايت او خوښې څرګندولو وروسته، د اسراییل حکومت تر اوسه هېڅ غبرګون نه دی ښودلی.
دا هم باید یادونه وشي چې په فلسطین اسرایلو اوسني بریدونه د کال ۲۰۲۳م د اکتوبر پر ۷مه وروسته له هغه پیل کړل چې د حماس وسلهوالو د اسراییلو پر جنوب برید وکړو او د راپورونه ترمخه په سلګونو اسرایلي وګړي ی اووژل.
له هغې ورځې راهیسې اسرایلو د غزه په سیمو هوايي بمبار، ځمکنۍ حملې پیل کړي او د غزه سیمه ی له هر لوري محاصره کړې چې نن هم دا دوام لري