راهول ګاندي چې د هند په کانګرس کښې اپوزیشن مشر دې د بې جي پي او د ټاکنو په کمیشن سختې نیوکې کړي دي او د کال ۲۰۲۴ د لوک سبها ټاکنې ی دولتي درغلي بللې ده.
نوموړي ویلي، د وزیراعظم نريندرا مودي شهرت د “آپريشن سندور” وروسته په چټکۍ سره راټيټ شوی او د هغه حکومت اوس د ولسي ملاتړ پر ځای د درغلیو او د ادارو پر کنټرول ولاړ دی.
دا ټاکنې نه وې، بلکې د خلکو د آزادۍ غلا وه: راهول ګاندي د انتخابي درغلیو پنځه لارې
راهول ګاندي د څېړنو له مخې د ټاکنو پنځه اصلي درغلۍ په ګوته کړې
لومړۍ درغلي ی دا په ګوته کړې چې رای ورکوونکي په بیلابیلو صوبو کښې رجسټر شوي او ددوی نومونه څو ځله لیکل شوي وو، په جعلي شناختي کارډونو ،په جعلي نومونو کسان رجسټر شوي وو ، په یوه پته ډیر ووټران رجسټر شوې وو، په یوه پته سلګونو رای ورکوونکي رجسټر شوي وو، څلورمه درغلي ی دا کړې وه چې د رای ورکوونکو په انځورونه کښې درغلي شوې وه او داسې ووټونه ۴،۱۳۲ وو.
پینځمه درغلي فارم ۶ غلط کارول وو، په دې فراډ کښې ۳۳،۶۹۲ ووټونه وکارول شول چې جعلي او غلط وو.
د ټاکنو کمېشن – د بی جې پي وسیله؟
راهول ګاندي اوویل چې د ټاکنو کمیشن باید بې طرفه وی خو د ټاکنو کمیشن داسې و نه کړل، دا کمیشن په حقیقت کې بې جې پي کاروي، ووټر لسټونو لاس ته راوړونه بنده کړې شوه، د رای اچونې مرکزونو سی سی ټي وي فوټیج غایب کړې شو او د ډیجیټل ریکارډ آډټ هم رد کړې شو.
دلته باید یادونه وشی چې دکرناټک وزیراعلی سدارامیا هم دغه دریځ تکرار کړ او د هند ټاکنو کمېشن یې په “خیانت” تورن کړ.
بی جې پي غبرګون
بی جې پي دا تورونه سیاسي ډرامه وبلل، خو ټاکنو کمېشن راهول ګاندي ته ننګونه وکړه چې “په سوګند سره دې نومونه واخلي.” شنونکي وایي، دا د فشار او وېرې تګلاره ده تر څو اصلي پوښتنې خاموش کړي.
هند دیموکراسي بربنډه شوه
راهول ګاندي وویل، اوس په هند کې ټاکنې د خلکو مینډېټ نه بلکې “پروګرام کېدونکي” او “کنټرول کېدونکي” دي. په مهاراشټرا، هریانه او مدهيه پردېش کې د رایو توپیر غیر منطقي وو، او په یو پي او ګجرات کې د رایه ورکوونکو شمېر د سرشمېرنې سره سمون نه خوري.
هغه زیاته کړه، دا یوازې د هندي ولس ستونزه نه ده، بلکې د نړیوالې جمهوریت لپاره هم خطر دی.
راهول ګاندي وویل چې دا ټاکنې نه وې، بلکې د ولس آزادي لوټ کول وو نوموړي د عدالتي پلټنو، د مدني ټولنو فعاله ونډې او د نړیوالې ټولنې د پام غوښتنه وکړه.
دلته باید یادونه وشی چې نړۍ دا فکر کوي چې هند یو لوی جمهوریت دې خو په اصل کې دا لوی جمهوریت د مودي په څیر کسانو قبضه کړې او دا جمهوریت او د هند ولس د خپلو شخصي ګټو لپاره کاروي.