آئي ايس پي آر لخوا جاري شوي يو بيان کښې وئيلي شويدي چې د دوستي ۔ ll په نوم د پاکستان او تاجکستان د پوځيانو ترمينځ مشترکه جنګي مشقونه کاميابۍ سره ختم شويدي ۔ بيان ترمخه دا مشقونه د تاجکستان په فخر بود بيس باندې د څلورم نه تر نهم اګست پورې جاري وو چې مقصد ئې د دواړو هيوادونو د پوځ د مشترکه تربيت په ذريعه د ترهه ګرۍ د مخ نيوي کارروائيو کښې شامل سيکيورټي دستو کارکردګي او پيشه وارانه مهارت ښه کول وو ۔ دې مشقونو کښې د پاک آرمي دوه ايکس کمبيټ ټيمونو او د تاجکستان د سپيشل فورسز څلور ايکس کمبيټ ټيمونو برخه اخستي وه او دې مشقونو ټول عسکري او سفارتي مقصدونه ترلاسه کړي وو ۔ د مشقونو اختتامي دستوره کښې د تاجکستان لپاره د پاکستان ډي اے (پي) کرنل محمد معظم ظفر د پاکستان لخوا خصوصي ميلمه په حيث شرکت کړي وو۔ د تاجکستان اعلي پوځي چارواکي هم په دې موقع موجود وو۔
آئي ايس پي آر بيان کښې وئيلي شويدي چې دې مشقونو سره د دواړؤ ملکونو ترمينځ پوځي تعلقات نور هم مضبوط شويدي او د ترهه ګرۍ د مخ نيوي لپاره د تجربو او تکنيکي مهارتونو تبادله هم شويده ۔