افغانستان نه د حملو او ترهه ګرۍ پيښې لپاره بلوچستان ته د شرخوښو د داخليدو لوئي کوشش ناکامه کړي شوېدے ، آئي ايس پي آر لخوا جاري شوي بيان کښې وئيلي شويدي چې د ژوب ضلعې په سمباړه علاقه کښې د افغانستان د طرف نه پاکستاني حدود ته ګڼ شمير د هند مرستيال ترهه ګرو د داخليدو کوشش کولو ولې سيکيورټي فورسز دوي راګهير کړي وو۔ د سيکيورټي فورسز فوري او موثره جوابي کارروائۍ دوران ۳۳ ترهه ګر وژلي شويدي ۔ د وژلي شوي ترهه ګرو نه لوئي شمير کښې وسله او چاودونکي مواد برآمد شويدي ۔ د دې پيښې وروسته هم سمباړه او خواؤ شا علاقو کښې د نورو ترهه ګرو د موجودګۍ پته لګولو لپاره سيکيورټي فورسز عمليات کړي وو۔
فتنه هند مرستيالو خلاف به کارروائي جاري وي،صدر ۔ وزيراعظم
صدر آصف علي زرداري،وزيراعظم شهبازشريف،داخله وزير محسن نقوي،د ټولو صوبو ګورنرانو او وزرائے اعلي په ژوب ضلع کښې د کالعدم ترهه ګرو خلاف د سيکيورټي فورسز د کامياب عملياتو ستائينه کړيده ،خپل بيانونو کښې صدر زرداري او وزيراعظم شهباز شريف وئيلي دي چې د ترهه ګروعزائم ناکامه کولو باندې ټول قام د پاک پوځ اهلکارو په باتورې او مهارت وياړ کوي، د ملک دښمنه عناصرو کوشش ناکامه کول د سيکيورټي فورسز مهمه کاميابي ده چې څوک هم د پولې هغه اړخ نه د حملو په نيت پاکستان ته د داخليدو هڅه کوي هم دغه شان انجام به ئې وي ۔ صدر مملکت او وزيراعظم بيانونو ترمخه د هندمرستيال ترهه ګر به چرې هم خپل مقصدکښې کاميابيدو ته پرينږدو،ملک نه د ترهه ګرۍ ناسور د ختمولو لپاره ټول قام متحد دے هر حال کښې به د فتنه هند مرستيال ترهه ګرو خاتمه کوؤ ۔