د روس نه تيل اخستو سلسله جاري ساتلو باندې امريکني صدر ډونلډ ټرمپ په هند پنځويشت فيصده نور ټيرف لګولي دے چې ورسره يوې هفتې دوران امريکې ته د هند درآمد کيدونکي څيزونو باندې د ټيرف مجموعي شرح ۵۰ فيصد ته رسيدلې ده ۔ صدر ټرمپ په هند اضافي ټيرف لګولو په حواله ايګزيکټيو آرډر جاري کړېدے ۔ د ټرمپ حکمنامې مطابق د هندوستان په درآمدي مالونو به د روانې مياشتې ۲۷ نيټې نه د ټيکسونو نوې شرح لاګو شي ۔ دې نه مخکښې اوول آفس کښې ميډيا سره خبرو په مهال صدر ټرمپ وئيلي دي چې هند په لويه پيمانه د روس نه تيل اخلي کوم چې روس د يوکرائن خلاف جنګ کښې استعمالوي، پريس کانفرنس دوران د ټرمپ نه يو خبريال پوښتنه وکړه چې د هند نه علاوه خو چين او نور ملکونه هم د روس نه تيل اخلي د دې ملکونو په حواله به د امريکې پاليسي څه وي؟ د دې پوښتنې په جواب کښې صدر ټرمپ ووئيل چې څوک هم روس سره د تيلو معاهدې کوي هغه به د امريکې هدف وي،په چين باندې هم نور ټيرف لګولې شو ۔ صدر ټرمپ هند له خبردارې ورکړېدے که چرې پس د دې نه ئې هم د روس سره د تيلو معاهده ختم نه کړه نو تجارتي بنديزونه او د ټيرف شرح په سيوا کولې شو۔
د امريکې ټيکسونو شرح ،د مودي انتظاميې ژړاګانې
امريکې لخوا ټيرف کښې نورې اضافې د هند واکمن پريشانه کړيدي، د هندوستان خارجه وزارت په درآمدي څيزونو باندې اضافي ټيکس غير منصفانه ګرځولي دے ۔ د هند خارجه محکمې لخوا جاري شوي بيان کښې وئيلي شويدي چې د صدر ټرمپ دا نوي اقدامات هيڅ جواز نه لري دا د هندوستان مفاداتو باندې براه راست حمله ده، د هند خارجه محکمې وياند رندهير جيسوال وائي چې د هند د درآمداتو انحصار د نړي وال منډو په بنيادونه وي هم دې درآمداتو لوجې د ملک معيشت وده کوي خو د بدقسمتۍ مقام دے چې امريکې د درآمدي مالونو ټيرف پنځوس فيصد ته زيات کړو خو د خپل مفاداتو د تحفظ لپاره هند هر اقدام پورته کولې شي ۔
د نريندر مودي ضد ،د هند د معيشت تباهۍ سبب
هندوستان د روس د تيلو د ټولو لوئې خريدار دے،د اندازې مطابق د روان کال وړومبي شپږ مياشتو کښې هند د روزانه په بنياد ۱۷ لکه ۵۰ زره بيرل تيل د روس نه درآمد کړيدي چې ملکيت ئې د اربو پاؤنډز ښودلي کيږي ۔ د روس ۔ يوکرائن جهګړې لوجې امريکې او يورپ بشمول د نړۍ زياتره ملکونو روس نه تيل اخستل بند کړيدي ولې هندوستان ته د دې تيلو په سپلائۍ کښې د هره مياشت اضافه راځي چې لوجې ئې امريکني صدر هم د هند خلاف تجارتي بنديزونه لګولو باندې غور شورو کړېدے، امريکني صدر څه ورځې مخکښې خپل يو بيان کښې وئيلي وو چې هندوستان د روس نه تيل واخلي او بيا دغه تيل په نړي واله منډۍ کښې په ګران نرخونو خرڅوي ۔ معاشي ماهرينو د هند په درآمدي سامونو د امريکې 50 فيصد ټيرف د هند په معيشت لوئي ګزار ګرځولي دے که چرې نريندر مودي خپله رويه کښې لچک رانه وستو او امريکې سره ډغره وهلو ضد ئې پرېنښودو نو نړي وال منډو کښې د هند تجارتي پوزيشن او ملکي معيشت ته لوئيې زيان رسيدو انديښنه ده