د پاک پوځ ترجمان ليفټنټ جنرل احمد شريف چودهري يوې هفته وار مجلې “دي اکانومسټ” ته خصوصي مرکه کښې د ملک په امنيتي ،سياسي صورتحال او پاک هند تاؤ تريخوالي په معاملو خبرې کړيدي ،ډي جي آئي ايس پي آر د فيلډ مارشل عاصم منير د ملک صدر جوړيدو په حواله ټولې ګنګوسې مسترد کړيدي ۔ ليفټنټ جنرل احمد شريف وئيلي دي چې د هند خلاف معرکه حق کامياب آپريشن نه پس فيلډ مارشل عاصم منير صدر پاکستان جوړيدو په حواله سياسي تجزيې بے بنياده دي او هيڅ حيثيت ئې نشته ۔ د پاک پوځ د ترجمان بيان په داسې مهال راغلې دے چې څو ورځې وړاندې د ملک مختلف رسنيو خپل رپورټونو کښې د سرچينو په حواله وئيلي وو چې حکومت د صدر آصف علي زرداري په ځائي فيلډ مارشل عاصم منير د ملک نوي صدر د جوړولو منصوبه لري خو وزيراعظم شهباز شريف ،داخله وزير محسن نقوي،د ن ليګ سنټير عرفان صديقي او د پيپلز پارټۍ جنرل سيکتر نيئر بخاري دغه تجزيې او خبرونه مسترد کړي وو۔
د هند د دوبارې حملې جواب به نااشنا وي، پاک پوځ ترجمان
ډي جي آئي ايس پي آر نه د مرکې دوران پوښتنه شوي وه چې پاکستان خلاف د هند دوباره پوځي کارروائۍ ردعمل به څنګه وي؟ د دې په جواب کښې ليفټنټ جنرل احمد شريف چودهري ووئيل چې د نريندر مودي د ترهه ګرۍ د حملو جواب به موثره پوځي کارروائۍ سره ورکوؤ ۔ د پوځ ترجمان ووئيل که چرې مودي دوباره په پاکستان د حملې کوشش وکړو نو د جوابي کارروائۍ آغاز به د ختيځ هند نه کيږي دا جواب به زيات موثره بلکه غير روايتي هم کيدې شي ۔ ليفټنټ جنرل احمد شريف زياته کړه چې هندله په دې حقيقت پوهيدل پکار دي چې هغوي هم هر ځائې کښې وژلې کيدې شي او دا ځل به د پاک پوځ جوابي کارروائي د هند دننه ډيرې خطرناکې نتائج رابرسيره کړي ۔