خارجه دفتر لخوا جاري شوي بيان ترمخه د پاکستان په دوره راغلي د ايران خارجه وزير عباس عراقچي د خپل هم منصب اسحاق ډار سره ليده کاته کړيدي ۔ ملاقات په مهال د پاکستان او ايران تعلقاتو،د پولو سيکيورټۍ صورتحال،مختلف شعبو کښې تعاون او په نورو مهمو معاملو د خيالاتو بدلون شوېدے ۔ دواړو وزيرانو د رابطو او ملاقاتونو سلسله جاري ساتلو د عزم اظهار کړېدے ۔ خارجه دفتر په بيان کښې زياته کړي شويده چې اسحاق ډار او عباس عراقچي دوه اړخيزه تجارت،توانائۍ شعبوکښې تعاون باندې اتفاق کړيدے ۔
د سيمې او مشرقي وسطي صورتحال په معاملو هم دواړو خارجه وزيرانو تفصيلي خبرې کړيدي او د سيمې امن او استحکام لپاره په شريکه کار کولو باندې زور راوړې شوېدے ۔د ايران خارجه وزير عباس عراقچي د اسرائيل د جارحيت دوران د ايران د موقف تائيد کولو او دواړو ملکونو ترمينځ جنګ بندۍ لپاره کوششونه کولو باندې د پاکستان د حکومت شکريه ادا کړيده ۔ په دې موقع خارجه وزير اسحاق ډار پاکستان ته د ايران د صدر او کابينې د مهم وزيرانو د دورې هرکلي وکړو او وئيلي ئي دي چې دې دورې سره د دواړو ملکونو ترمينځ اوږده مودو راهسې قائم تعلقات به نور هم مضبوط شي ۔