امریکا د ایران پر ضد بندیزونو څخه د سرغړونې په تور د هند شپږ سترې پیټرو کیمیکل کمپنۍ تر اقتصادي بندیزونو لاندې راوستي دي
په دې کمپنیو تور دې چې له ایران څخه یې د میلیونونوډالرو په ارزښت تېل اخیستي او د امریکا قوانینو یې سرغړونه کړې ده.
له امریکا لوري دا بندیزونو د امریکایی قانون ګلوبل میګنسټسکای ایکټ ترلاندې لګول شوي دي، ددې قانون ترمخه امریکا د ایران په انرژۍ سیکټر کښې په ایران باندې بندیزونه لګوي او نافذوي
د امریکا خزانې وزارت وایي چې یادو هندي شرکتونو له ایراني دولتي ادارو څخه د تېلو د اخیستلو لپاره جعلي اسناد او منځګړي چینلونه کارولي، څو د نړیوال مالي نظام له بندیزونو ځان خلاص کړي
امریکا خبرداری ورکړی چې که نور هېوادونه یا شرکتونه هم له ایران سره د تېلو سوداګري وکړي، نو هغوی به هم له جدي بندیزونو سره مخ شي
اقتصادي کارپوهان وایی چې دا پرېکړه نه يوازې د هندوستان پر اقتصاد اغېز کولی شي، بلکې په جنوبي آسيا کې د انرژۍ ډيپلوماسۍ توازن هم ګډوډولی شي
دلته ددې خبرې هم باید یادونه شوی چې دا پرمختګ په داسې وخت کې شوی چې امريکا تازه له پاکستان سره د انرژۍ په برخه کې د همکارۍ اعلان کړی، کوم ته چې د سيمې د نوې صف بندۍ په توګه کتل کېږي
همدارنګه، امريکا پر هندوستان ۲۵ سلنه ګمرکي محصول (ټیرف) هم لګولی او پر دې سربېره یې اضافي مالي جرمانه هم لګولې ده
