د متحده قامونو امن مشنز، نړي وال شخړو حل او د چيلنجونو مخ نيوي په معامله د متحده قامونو سلامتي کونسل اجلاس ته وينا په وخت د پاکستان مندوب عاصم افتخار نړۍ کښې امن بحالۍ لپاره د پاکستان په کردار رڼا اچولې ده او د مقبوضه کشمير مسئله ئي هم په سلامتي کونسل کښې پورته کړې وه ۔
پاکستاني مندوب عاصم افتخار وئيلي دي چې د کشمير مسئله تر دې وخت پورې نه حل کيدل دمتحده قامونو ادارے په کارکردګۍ سواليه نښه ده، د هغه وينا وه چې د متحده قامونو په اجلاسونو کښې شخړې د مذاکراتو او د سفارتکارۍ د لارې حل کولو خبرې کيږي او قراردادونه هم منظوريږي خو ډير د افسوس مقام دے څو لسيزو راهسې په مقبوضه کشمير کښې روان د هند پوځ په ظلمونو نړي والې ورورلۍ خاموشي خپله کړيده ۔
د عاصم افتخار وينا ترمخه د مقبوضه کشمير مسئله د اوږدې مودې راهسې د سلامتي کونسل په ايجنډا موجود ده ولې د دې مسئلې سياسي او پرامن حل راويستو لپاره په مخلصانه توګه هيڅ اقدامات نه پورته کيږي، پاکستاني مندوب د کشمير مسئله د متحده قامونو د قراردادونو او د کشمريانو د رائے مطابق حل کولو مطالبه کړيده ۔ عاصم افتخار د سيمې او نړۍ د امن لپاره د پاکستان د کردار ذکر هم کړېدے او وئيلي ئي دي چې د نړۍ اته څلويښت ملکونو کښې د متحده قامونو په امن مشنز کښې د پاکستان دوه لکه نه سيوا سيکيورټي اهلکار تعينات دي اوسه پورې د پاکستان يوسل دوه اتيا پوځيانو د امن مشنز دوران د خپل ځانونو قربانې ورکړيدي ۔ عاصم افتخار زياته کړيده چې پاکستان هميشه نړي وال شخړې او د ملکونو ترمينځ پيدا شوي تاؤ تريخوالي د سفارتکارۍ او خبرو د لارې حل کولو باندې زور راوړېدے د منطقې د امن او څوکالۍ لپاره د کشمير مسئله حل کيدل ضروري دي بايد چې سلامتي کونسل دې سلسله کښې خپل کردار ادا کړي ۔