ګلګت بلتستان کښې راغلي سيلابونو او لينډ سلائيډنګ په وجه په لويه پيمانه تباهي خوره شويده،د سيلابونو لوجي نهه کلي په مکمله توګه توګه تباه شويدي، لينډ سلائيډنګ لوجې په بابوسر شاهراه او ديامر کښې ګڼ شمير سيلانيان ګهير شوي وو چې پکښې د پاک پوځ او مقامي ريسکيو اهلکارو په کوششونو زياتره سيلګريان حفاظت سره د متاثره علاقو نه راويستلي شوي وو۔ د ګلګت بلتسان حکومتي ترجمان فيض الله فراق وينا ترمخه سيلابونو لوجې لس تنه مړه شوي، او پنځلس سيلګري بے درکه شويدي، د بے درکه کسانو لټون په اتمه ورځ هم جاري دے، بے درکه شوي سيلګرو کښې د مقامي ټي وي چينل خيبر اينکرپرسن شپانه لياقت،د هغې خاوند او درې بچي هم شامل دي ۔ د حکومتي ترجمان فيض الله فراق ميډيا سره خبرو په مهال وئيلي دي چې د خبريالې او ټي وي اينکر پرسن شبانه لياقت ګاډې د ملبې نه په داسې حالت کښې ملاؤ شوېدے چې ګاډې په مکمله توګه تباه شوي وو ۔ دې نه مخکښې د ملبے نه د شبانه لياقت د ځوي بټوه ترلاسه شوي وه چې پکښې د شبانه لياقت شناختي کارډ فوټو کاپي هم پرته وه ۔ فيض الله فراق زياته کړيده چې د بے درکه کسانو د مړو د لټون لپاره آپريشن جاري دے چې پکښې د پوليسو او انتظاميې نه علاوه د پاک پوځ او ډيزاسټر منيجمنټ محکمې اهلکار او ګلګت بلتسان اسکاؤټس برخه اخلي ۔ د سيلابونو او د لينډسلائيډنګ په وجه پنځوس کورونه په مکمله توګه تباه شويدي، او متاثره کسانو خيمو کښې منتقل کړي شويدي ۔ ګلګت بلتستان او خواؤ شا سيمو کښې د اوسني بارانونو لوجې د کلاؤډ بلاسټ،لينډ سلائيډنګ پيښې رامخې ته شوې وې چې د هغې وروستو په لويه پيمانه تباهي خوره شوي وه، ريسکيو چارواکو ترمخه د بحالۍ کار لپاره درنه مشنري استمالولي شي او د ټولو بے درکه کسانو د مړو د لټون لپاره ريسکيو آپريشن دولس ورځې تيريدو باوجود جاري دے۔