Skip to content 
د افغانستان اسلامي امارت یو لوړ پوړي امنیتي چارواکي ویلي دي چې تیر کال په رسمي سرحدونو کښې ګوټلي امنیتي ګامونه اخستي دي او په سرحدي سیمو کښې ی یو شمیر امنیتي پوستې او امنیتي فوځیان ځای په ځای کړي دي
د افغانستان اسلامي امارت وسله وال فوځ لوی درستیز قاري فصیح الدین فطرت وايي، تیر کال یې د رسمي سرحدونو او ډیورنډ کرښې په اوږدو کې ۱۵ لېواوې، ۳ کنډکونه او ۷۶۵ سرحدي پوستې ځای پر ځای کړي دي
فصیح الدین فطرت د دفاع وزارت د یو کلنو لاسته راوړنو راپور ورکولو په مهال اوویل چې تېر کال یې ۸ چورلکۍ، ۴۱ زره ۶۸۴ نقلیه وسایط، ۶۴۸۰ سپکې او درنې وسلې، ۷۲۴ مخابرې ترمیم او کارونې ته چمتو کړي دي چې د افغان فوځیان ی د امینتي موخو لپاره په کار راولي
نوموړي اوویل او ټینګار ی وکړو چې د ټیکاو او امنیت لا ټینګښت په موخه د عملیاتو ترسره کول، د اردو ظرفیتونو لوړول، تاسیساتو جوړول او د اوپراسیوني فعالیتونو ترسره کولو لپاره پلان جوړونه د روان کال لپاره له مهمو پروګرامونو څخه دي
دلته ددې خبرې باید یادونه وشي چې د پاکستان حکومت لوري وخت په وخت افغان چارواکو ته داسې ثبوتونه ورکړل شوي دي چې ښایی په سرحدي سیمې کښې کالعدم تحریک طالبان پاکستان وسله وال ځای پر ځای دې او په پاکستان کښې ترهګریز او خونړي بریدونه ترسره کوي چې تراوسه پورې یو شمیر د پاکستان امنیتي ځواک اهلکار او عام وګړي په دې بریدونو کښې شیهدان شوي دي
دلته دا خبره هم مهمه ده او باید یادونه وشي چې په دې لنډ تیرو ورځو کښې ایچ ټي این سره په ځانګړې مرکه کښې د اسلام امارت مرستیال ویاند حمدالله فطرت ویلي وو چې د اسلامي امارت حکومت ژمن دې چې افغان خاوره به کله هم د پاکستان په ضد و نه کارول شي
نوموړي ټینګار کړې وو چې په دې اړه د افغانستان اسلامي امارت دریځ ډیر روښانه دې او هیچا له به هم اجازه ور نه کړي چې افغان خاوره د پاکستان په ضد و کاروي
