ټپي ډي پي او خالد خان د ریسکو۱۱۲۲ په ایمبولینس کښې د خیبرپښتونخوا مرکزي ښار پیښور لیډي ریډنګ روغتون ته رسول شوې دې.
د خیبر پښتونخوا کوهاټ په هنګو سیمه کښې پولیسو په سیمه کښې د ترهګرو په ضد عملیات ترسره کړل.
د پولیس سرچینو ترمخه په عملیاتو کښې څلور وسله وال خوارج اووژل شول، پولیس وایی چې د عملیاتو په ترڅ کښې د پولیس مشر خالد خان سخت ټپی شو.
د پولیس سرچینې وایی چې ټپي ډي پي او خالد خان د ریسکو۱۱۲۲ په ایمبولینس کښې د خیبرپښتونخوا مرکزي ښار پیښور لیډي ریډنګ روغتون ته رسول شوې دې.
د پولیسو سرچینو ترمخه نن د هنګو په دوآبه سیمه کښې د پولیس ځواک او ټل سکاوټس امنیتي ځواکونو په ګډه د ترهګرو په ضد عملیات ترسره کړل.
پولیس وایی چې د هنګو په زرګیري، شناوړي او یو شمیر نورو سیمو کې ټارګټډ اپریشن دوام لري.
سرچینو تاید کړې چې د ډي پي او خالد خان درې ګولۍ لګیدلې دې او د هغه روغتیایی حالت نازک ښودل کیږي. سرچینې تایدوي چې په عملیاتو کښې ۴ څلور ترهګر وژل شوي دي او په سیمه کښې عملیات دوام لري.