د امريکې ايوان نمائندګان ممبري رشيده طليب يو متنازعه بيان ورکړې وو چې پکښې هغې د امريکني حکومت نه د پاکستان دفاعي مرستې د بندولو مطالبه کړي وه ۔ خپل بيان کښې رشيده طليب وئيلي وو چې تر څو فيلډ مارشل عاصم منير په خپله عهده برقرار وي امريکني حکومت دې د پاکستان سره هيڅ قسمه امداد نه کوي۔ رشيده طليب الزام لګولې وو چې فيلډ مارشل عاصم منير په قيادت کښې د پاکستان جمهوريت کمزورتيا او بشري حقونو په حواله مونږ انديښنې لرو بايد چې واشنګټن انتظاميه دې د پاکستان هر قسم پوځي امداد معطل کړي ۔ د پاکستان چارواکو او د خارجه محکمې پوهانو د رشيده طليب په بيان سختې نيوکي کړي او دا ئې د پاکستان په کورني معاملو کښې ښکاره لاس وهنه ګرځولې ده
مختلف شعبو سره تعلق لرونکو تجزيه کارو او پوهانو هندوکش ټريبون نيټ ورک ته وئيلي دي چې د پاکستان په پوځي عهدو تعيناتي د يو خاص دائره کار او د قانون د لاندې کيږي او په دې عهدو تقررو،ترقي يا تبادلو کښې د بل ملک مداخلت نه کيږي او نه د پاکستان آئين دا مني
تجريه کارو وئيلي دي چې د رشيده طليب دغه متنازعه بيان د يو خپلواکه ملک په کورني معاملو کښې مداخلت دے چې لوجې به ئې د امريکې او پاکستان تعلقاتو باندې هم بد اثرات پريوځي ۔
زياتره تجزيه کارو د کانګرس غړې دغه بيان امريکه کښې ميشته د پي ټي آئي لپاره لابنګ ګروپونو لخوا د پاکستان او ملټري قيادت خلاف بے بنياده پروپګنډا ګرځولي ده او وئيلي ئي دي چې دا قسمه الزاماتو لپاره د امريکې کانګرس پليټ فارم هم استعمالولې شي، سفارتي پوهان وائي چې هيڅ يو امريکني پارليماني ممبر د بهرملکونو په سياسي معاملو کښې مداخلت نشي کولے او نه د خپل متعصبانه فائدو لپاره د کانګرس نه ګټه پورته کولې شي ۔ دفاعي،خارجه امورو او سفارتي پوهانو او ماهرينو پاکستان نه د ترهه ګرۍ خاتمے او سيمې امن او استحکام لپاره د فيلډ مارشل عاصم منير د خدماتو ستائينه کړيده او وئيلي ئي دي چې امريکنې انتظاميې هم د قيام امن لپاره د عاصم منير هلې ځلې منلي دي ۔