د افغانستان کرکټ بورډ د راپور له مخې، د ایلیټ پینل (د کرکټ غوره پینل) امپایر بسمالله جان شینواری د ۴۱ کلونو په عمر کې وفات شوی دی. نوموړی له څه مودې راهیسې ناروغه وو او نن ی ساه ورکړه.
د افغانستان کرکټ بورډ ټولو غړیو او د سپورټس مینه والو د بسمالله جان شینواري پر مړینه ژوره خواشیني څرګنده کړې ده او دا ی د لوبو لپاره یو لوی زیان ګرځولې دې
د افغانستان کرکټ بورډ ترمخه نوموړي په ۳۱ فرسټ کلاس ، ۵۱ لسټ اې او ۹۶ ډومیسټک ټي ټونټي کرکټ لوبو کې د امپایر ذمه واري ترسره کړې وه
د افغانستان کرکټ بورډ د معلوماتو ترمخه نوموړي په ۳۴ یو ورځني او په ۲۶ ټي ټونټي نړیوال کرکټ لوبو کې د امپایر په توګه دنده ترسره کړې وه
دلته ددې خبرې هم باید چې یادونه وشي چې خدای بخښلي بسم الله جان خپلې لومړۍ زده کړې له پرایمرۍ لیول څخه تر لسم ټولګي پورې په تاتاره پبلک سکول لنډي کوتل کې ترسره کړې وې
ددې ښونځي پخواني مشر رحمان علی شینواري اوویل چې خدای بخښلې بسم الله جان شینواري یو ډیر خوش طبیعته انسان وو او ددوی په مړینه باندې ډیر غمجن دي
د سکول مشر د معلوماتو ترمخه بسم الله جان په کال ۲۰۰۲ کې ددې سکول څخه د لسم ټولګي امتحان پاس کړې وو
د ضلع خیبر سپورټس مینه والو او د سپورټس ایسوسي ایشن مشرانو نصیب شاه شینواري، منظور علي شینواري او کلیم الله شینواري د بسم الله جان په مړینه خواشيني څرګنده کړې ده او ویلي دي چې د هغه مرګ افغانستان او د ټولې نړۍ کرکټ او د کرکټ مینه لپاره یو لوی زیان او غم دې