د شنګهائی تعاون تنظيم د دفاع وزيرانو غونډه د چين په چنګ ډاؤ ښار کښې شوي وو، اجلاس کښې د پاکستان ، روس،چين،
ازبکستان،قازقستان،هند،ايران،بيلاروس، کرغزستان اوتاجکستان بشمول د نورو ملکونو وزیرانو شرکت کړې وو. اجلاس په مهال په ايران د اسرائيل او امريکې په حملو د تشویش اظهار شوي وو.
اجلاس ته د وينا په وخت وزير دفاع خواجه آصف د ترهه ګرۍ،علاقائی سلامتيا ته راپيښ چيلنجونو او په نورو مهمو معاملو تفصيلي خبرې کړيدي، خواجه آصف ترهه ګرۍ مشترکه خطره ګرځولې ده او وئيلي ئی دی چې د دې د مخنيوی لپاره ټولو هیوادونو له په ګډه کوششونه کول پکار دی، د خواجه آصف وينا وه چې پاکستان هم د ترهه ګرۍ نه متاثره ملکونو کښې شامل دې، ترهه ګرۍ چې هر ځائې کښی هم کيږی پاکستان ئې مذمت کوی. وزير دفاع په پاکستان کښې د ترهه ګرۍ حملو کښې د ګاونډي ملکونو په ککړتيا هم خبرې کړيدی او وئيلي ئې دی چې بلوچستان کښې بدامنۍ واقعاتو لپاره د ګاونډي ملک خوره استعماليږي،د “را” ايجنټ کلبهوشن ياديو ګرفتاری او د هغه اعتراف جرم د دې ښکاره ثبوتونه دی.
وزير دفاع خواجه آصف په خپل تقرير کښې د افغانستان ذکر هم کړيدے او وئيلي دی چې پرامن او مستحکم افغانستان د پاکستان او د منطقې ملکونو په مفاد کښې دے. پاکستان د خپل ټولو ګاونډی ملکونو سره ښه اړيکې قائمول غواړی.خواجه آصف په ايران په جوهری تنصيباتو د اسرائيل حملے د ايران د خپلواکۍ او علاقائی سلامتیا خلاف ورزی ګرځولي ده او د دې مذمت ئې کړيدے،وزير ډفاع په غزه کښې روان انسانی بحران باندے د تشویش اظهار کړيدي او نړيوالې ټولنې نه ئې مطالبه کړيده چې فلسطنیانو خلاف روان ظلمونه او غزه جنګ بندولو لپاره دې په اسرائیل دباؤ واچوی.
د اجلاس وروستو مشترکه اعلامیه جاری شويده ولې د هند وزیر دفاع راج ناتھ سنګھ په دې اعلامیه لاس ليک نه دې کړے.سفارتی سرچينو ترمخه هند وزير دريز خپل کړې وو چې دې اعلامیه کښې د پهلکام حملے څه ذکر نه دې شوے او دا اعلاميه د پاکستان ملاتړ کوی . بهرني رسنيو تر مخه د ايس سی او اجلاس دا اعلاميه پهلګام حمله کښې د پاکستان د ککړتيا الزاماتو ،د ترهه ګرۍ او علاقائی سلامتیا په حواله د هند حکومت موقف کمزورۍ ثابت کړيدے