آئي ايس پي آر لخوا جاري شوي بيان ترمخه د جنوبي وزيرستان په سراروغه علاقه کښې د فتنه هند مرستيال ترهه ګرو سره نښتې دوران شهيد شوي د پاک پوځ ميجر معيزعباس جنازه چکلاله ګيريژن کښې ادا شوېده، فيلډ مارشل عاصم منير،داخله وزير محسن نقوي ،د پاک پوځ اعلي چارواکو او د شهيد لواحقينو په جنازه کښې شرکت کړي وو۔
فيلډمارشل عاصم منير ميجرمعيز عباس ته خراج تحسين وړاندي کړې او وئيلي ئي دي چې د هغه په شهادت ټول قام غمژن دے او په وياړ پرې کوي ۔ د فيلډمارشل وينا وه چې شهيد ميجر جنرل معيز عباس د خپل فرض ادا کولو دوران د خپل سر قرباني ورکړيده او د باتورې او وطن سره د مينې روايات ئې قائم ساتلي دي مونږ
د خپل شهيدانو قرضداري يو د دوي قربانۍ د پاکستان د استحکام بنياد دي ۔ شهيد ميجر معيز عباس خپل ابائي سيمه چکوال کښې سرکاري اعزاز سره خاورو ته سپارلي شوېدے ۔ ترهه ګرو سره نښتې دوران لانس نائيک جبران الله هم شهيد شوي وو،د سيکيورټي اهلکارو د کارروائۍ دوران يوؤلس شرخوښي وژلي شوي وو او اووه ژوبل شوي وو۔