د پاکستان بهرنیو چارو وزیر اسحاق ډار په یوه مهمه دوره متحده عرب اماراتو په سفر تللې دې.
نوموړي په خيل ایکس پانړ لیکلي چې هغوی د خپل ورور شیخ عبدالله بن زید سره یوه مهمه لیدنه کړې ده او په دې لیدنه کې ی پاکستان او پاکستاني قوم لپاره مهمې لاس ته راوړنې کړي دي.
نوموړي وایی چې هغوی د پاکستان او متحده عرب اماراتو ترمنځ د ډیپلوماتیکو او رسمي پاسپورټ لرونکو لپاره د ویزې د متقابل معافیت تړون لاسلیک کړو. دا مهم ګام تېره ورځ د شپې ناوخته د پاکستان او عرب اماراتو د وزیرانو د ګډ کمیشن وزیرانو په دولسمه غونده کې په ابوظهبۍ کې ترسره شو.
نوموړي لیکي چې دا مهم پرمختګ زمونږ او د متحده عرب اماراتو ترمینځ ګډې ژمنتیا څرګنده وي او دې سره به د پاکستان او اماراتو ترمنځ د ورورولۍ اړیکې لا پیاوړې کړو او په ټولو برخو کې اداري همکارۍ ته وده ورکړو ۔
د پاکستان د بهرنیو چارو وزارت د ایکس پانړې د معلوماتو ترمخه د بهرنیو چارو وزیر او د پاکستان مرستیال وزیراعظم، سنېټر محمد اسحاق ډار، د پاکستاني پلاوي د تیارۍ ناستې مشري وکړه چې د ۲۰۲۵ کال د جون په ۲۴مه نېټه په ابوظبۍ کې د پاکستان او متحده عرب اماراتو د وزیرانو د ګډ کمیسیون د غونډې وړاندې ترسره شوه.
په دې مهمه غونډه کې بشپړه ایجنډه وڅیړل شوه او د دواړو هیوادونو ترمینځ د بیلا بیلو پرمختګ په اړه خبرې وشوې. په دې مهمو بحثونه په هغو مهمو برخو متمرکز وو چې پکې سوداګري، پانګونه، انرژي، مخابرات، او په اماراتو کې د پاکستاني کارکوونکو لپاره د کار موقعې شاملې وې.
مرستیال وزیراعظم او د بهرنیو چارو وزیر د مختلفو وزارتونو او ادارو د فعال ګډون ستاینه وکړه او ټینګار یې وکړ چې خبرې باید عملي پایلو ته ورسول شي. هغه دا هیله څرګنده کړه چې د پاکستان او متحد عرب اماراتو د وزیرانو ګډ کمسیون دولسمه غونډه به د پاکستان او متحده عرب اماراتو ترمیځ دوه اړخیزه همکاري او اداري اړیکي نورې هم پیاوړې کړي.
په دې مهمه غو نډه کې د پاکستان مهموو ادارو مشران ایس اې پي ایم طارق باجوه، د اقتصادي چارو وزارت ځانګړې سیکرټري ، په اماراتو کې د پاکستان سفیر، د تجارت، کورنیو چارو وزارت، بهرني هوادونو کې میشتو پاکستانیانو ادارې نماینده، آي ټي، ایس ،آیی ایف سي او د خوراک سیکوریټي وزارت او د بهرنیو چارو وزیرات ایډیشنل مرستیالانو ګډون وکړو.
دلته ددې خبر باید یادونه وشې چې سیاسي او اقتصادي کارپوهان وایی چې د پاکستان وزیر خارجه او مرستیال وزیراعظم اسحاق ډار په متحده عرب اماراتو کې د وزیرانو د ګډ کمیسیون په غونډه کې ګډون به د پاکستان او یو اې ای په اړیکو ښه اغیزه وکړي.
پوهان وایی چې ددې غونډې به د هیواد په اقتصاد ډیر ښه اثر وشي ځکه د پاکستان او یو اې اي ترمینځ به دوه اړخیز تجارت وده وکړي چې دا ښایی چې د پاکستان اقتصاد په وده وکړي او د دواړو هیوادونو ترمینځ به سیاسي او اقتصادی اړیکې نورې هم پیاوړې شي