د ضلع مومندو په تحصیل امبار پولیس تهاڼې په حدودو کې وړمه ورځ د ایف سي ځواک په پوسته د سنايپر په برید کې شهید شوي د فرنټیئر کور امنیتي ځواکونو سرتېري لانس نایک لیاقت علي شلمانی جنازه د هغه په پلرني کلي، لنډي کوتل لوې شلمان سمسۍ کې ادا کړې شوه او شهید د سرکاري او پوځي اعزاز سره خاورو ته وسپارل شي.
لوی شلمان د لنډي کوتل په شمال کې د پاک افغان پولې سره نزدې سیمه ده او تردې سیمې د کابل سیند هم لنډي کوتل او بیا د ضلع خیبر سیمې ملاګورو ته داخلیږي.
د ځایی سرچینو ترمخه لیاقت علي شلماني د جنازې په مونځ کې د امنیتي ځواکونو مشر لیفټننټ کرنل حافظ بلال، د لنډي کوتل ایډیشنل اسسټنټ کمشنر شهاب الدین، د شلمان پولیس سټېشن ایساېچاو ګل مت خان او یو شمیر نور حکومتي چارواکو او د سیمې مشرانو او عام ولس د شهید په جنازه کې ګډون وکړو او د هیواد لپاره ی د هغه قرباني وستایله .
د جنازې مونځ وروسته، شهید لیاقت علي ته عسکري سلامي وویل شوه او د هغه پر قبر د ګلونو ګیډۍ کیښودل شوې ، په دې موقع حکومتي او پوځي مشرانو او د ځایی مشرانو د شهید د مغفرت لپاره ځانګړې دعاګانې وکړي او د پاکستان لپاره ی د شهید ځاني قرباني په درنو ټکو کې وستایله.
دا خبره مهمه ده او باید یادونه ی وشی چې پرون شهید لانس نایک لیاقت د مومندو په ضلع امبار تحصیل د پولیسو تهاڼې په حدودو کې د ایف سي ځواک ۱۸۲ وینګ په شیخ ون پوسته کې دنده ترسره کوله چې د شپې ناوخته په ۲ بجې د سنایپر برید له امله شهید کړې شو.
دلته ددې خبرې هم باید یادونه وشي چې په د می په میاشت کې د هند او پاکستان په جهګړه کې د سیالکوټ په سیکټر هم ددې لوی شلمان سیمې یو بل ځوان هم د هیواد لپاره قرباني ورکړه او د هند لوري برید پر مهال شهید کړې شو